باغی ٹی وی : لاہور ( ویب ڈیسک)آئی جی پنجاب فیصل شاہکار کی زیر صدارت سنٹرل پولیس آفس میں کچے کے علاقے میں جاری پولیس آپریشن بارے ویڈیو لنک اجلاس.اجلاس میں ایڈیشنل آئی جی جنوبی پنجاب، آر پی او بہاولپور، آر پی او ڈی جی خان، ڈی پی او رحیم یار خان اور راجن پور کی بذریعہ ویڈیو لنک شرکت ،آئی جی پنجاب نے رحیم یار خان میں پولیس وین پر فائرنگ کے نتیجہ میں کانسٹیبل محمد اکبر کے شہید اور 3 اہلکاروں کے زخمی ہونے کے واقعہ بارے بریفنگ لی۔ آئی جی پنجاب کی پولیس وین پر چھپ کر حملہ کرنے والے ملزمان کی گرفتاری کیلئے سپیشل آپریشن کرنے کی ہدایت۔کانسٹیبل محمد اکبر کو شہید اور دیگر اہلکاروں کو زخمی کرنے والے ملزمان کو قانون کی گرفت میں لایا جائے۔ آئی جی پنجاب نے کہا کہ کچے کے علاقے سے مجرمان کے مستقل خاتمے کیلئے آپریشن کو مزید تیز کیا جائےتمام متعلقہ اداروں سے کوارڈینیشن کرکے انٹیلی جنس بیسڈ آپریشنز کیے جائیں۔انہوں نے کہا کہ دریائی چیک پوسٹوں پر موٹر بوٹس کے ذریعے پٹرولنگ اور نگرانی کا عمل جاری رکھا جائے،کچے کے علاقے میں آپریشن میں حصہ لینے والے جوانوں کی ویلفیئر اور حفاظت ہماری اولین ترجیح ہے، آئی جی پنجاب نے ہدایت کی کہ شہید کانسٹیبل کی فیملی کی ویلفیئر اور زخمی اہلکاروں کی طبی امداد کیلئے ہر ممکن اقدامات کیے جائیں۔
ایڈیشنل آئی جی جنوبی پنجاب نے کچہ آپریشن میں ابھی تک کی پیش رفت بارے آئی جی پنجاب کو آگاہ کیا۔حالیہ آپریشن کے نتیجہ میں راجن پور اور رحیم یار خان میں اغواء برائے تاوان اور سنگین جرائم کے واقعات میں واضح کمی آئی ہے۔ اجلاس میں بریفنگ اجلاس میں راجن پور اور رحیم یار خان کے ڈی پی اوز نے جاری آپریشنز بارے بریفنگ دی۔ اس موقع پر ایڈیشنل آئی جی ویلفیئر ، ڈی آئی جی آپریشنز اور اے آئی جی آپریشنز سمیت دیگر افسران بھی موجود تھے۔
Shares:
