ہنوئی: ویتنام کی ایئر لائنز نے 27 جون کو دارالحکومت ہنوئی کے نوئی بائی ایئر پورٹ پر پیش آنے والے ایک سنگین حادثے کے بعد اپنی چار پائلٹس کو معطل کر دیا ہے۔
یہ واقعہ تب پیش آیا جب ایک بوئنگ 787 طیارے کو ہوچی منہ سٹی کی فلائٹ کے لیے رن وے پر ٹیک آف کے دوران ٹیکسیئنگ کی جا رہی تھی۔حادثہ دن دو بجے پیش آیا جب ایک بوئنگ 787 طیارہ رن وے پر اپنی جگہ پر حرکت کر رہا تھا کہ اچانک اس کی دُم دوسرے طیارے کے پر سے ٹکرا گئی۔ اس حادثے نے مسافروں اور عملے کے درمیان شدید خوف و ہراس پھیلا دیا۔ایئرلائن کے حکام نے بتایا ہے کہ واقعہ کی تحقیقات کے لیے فوری طور پر چار پائلٹس کو معطل کر دیا گیا ہے تاکہ ذمہ داروں کی نشاندہی کی جا سکے اور مستقبل میں ایسے واقعات کی روک تھام کی جا سکے۔
ویتنام ایئر لائنز نے مسافروں کی حفاظت کو اولین ترجیح قرار دیتے ہوئے کہا ہے کہ ایئرپورٹ سیکیورٹی اور فلائٹ آپریشنز کے معیارات کو مزید سخت کرنے کے لیے تمام ممکنہ اقدامات کیے جائیں گے۔یہ واقعہ گزشتہ جمعہ کو پیش آیا، جس میں خوش قسمتی سے کوئی جانی نقصان نہیں ہوا تاہم یہ حادثہ ہوابازی کے معیار اور ایئرپورٹ کے آپریشنز میں احتیاط کی ضرورت کو اجاگر کرتا ہے۔ویتنام کی ایئر لائنز کے حکام نے وعدہ کیا ہے کہ اس واقعے کی مکمل تحقیقات کی جائیں گی اور ذمہ داروں کے خلاف سخت کارروائی عمل میں لائی جائے گی تاکہ آئندہ کسی بھی ناخوشگوار واقعے سے بچا جا سکے۔
