سرگودھا :گھریلو ملازمین پر تشدد ، مالکان نے گھریلو ملازمین میاں بیوی کے دانت توڑ دیے
![](https://baaghitv.com/wp-content/uploads/2024/03/tashaddud-modified-jpg.webp)
سرگودھا ،باغی ٹی وی (سٹی رپورٹرادریس نواز) گھریلو ملازمین پر تشدد کا ایک اور واقعہ سامنے آگیا جس میں مالکان نے گھریلو ملازمین میاں بیوی کے دانت توڑ دیے۔
سرگودھا کے علاقے بچہ کلاں کی صفیہ بی بی اور اس کا شوہر محمد احمد 15 سال سے خیابان شیر میں آصف گوندل نامی شخص کے ہاں گھریلو ملازم ہیں، گزشتہ روز ملزمان آصف اور اس کے 3 بیٹوں وارث، زین اور عمر نے 30 ہزار روپے چوری کا الزام لگا کر گھریلو ملازم میاں بیوی پر تشدد کیا۔
سرگودھا میں گھریلو ملازمین پر تشدد کا ایک اور واقعہ سامنے آگیا جس میں مالکان نے گھریلو ملازمین میاں بیوی کے دانت توڑ دیے۔
سرگودھا سے ادریس نواز کی رپورٹ@BaaghiTV @MumtaazAwan @RpoSargodha @MaryamNSharif pic.twitter.com/hpJbu7BrCJ— Dr.Mustafa Badani (@DrMustafa983) March 21, 2024
ملزمان 60 سالہ صفیہ بی بی اور 59 سالہ احمد کو ہاکی، بیٹ اور مکوں سے تشدد کا نشانہ بناتے رہے، تشدد کے باعث خاتون کے چہرے، بازوؤں پر نشانات لگے جب کہ خاوند احمد کے دانت ٹوٹ گئے، کینٹ پولیس نے واقعہ کی اطلاع پر ملزمان کے خلاف مقدمہ درج کر لیا۔
تشدد کا شکار صفیہ بی بی کا کہنا ہے کہ ہمیں 2 ماہ کی تنخواہ نہیں دی وہ مانگی تو ہم پر چوری کا الزام لگا کر تشدد کیا گیا، ہم سے 14 ہزار بھی چھین لیے، ساری رات ہمیں مارتے رہے۔
متاثرہ میاں بیوی نے وزیراعلیٰ پنجاب مریم نواز سے انصاف کا مطالبہ کیا ہے جب کہ پولیس کا کہنا ہے کہ میاں بیوی کا میڈیکل کرا لیا ہے، رپورٹ آنے پر مقدے میں مزید دفعات لگائی جائیں گی، ملزمان کی گرفتاری کے لیے بھی کارروائی شروع کردی گئی ہے۔