کورونا کے وی آئی پی مریضوں کے لئے 5ہوٹلوں پر قبضہ

بھارتی دارالحکومت نئی دہلی میں حکومت نے کورونا کے وی آئی پی مریضوں کے لئے 5ہوٹل اپنے قبضہ میں لے لئے ہیں جب کہ اس حوالے سے ایک نئے ریاستی نوڈل ویلفیئر آفیسرکی تعیناتی بھی کر دی گئی ہے۔ نئی دہلی حکومت کے ایک ترجمان کے مطابق ان میں دو فائیو اسٹار جب کہ تین فور اسٹارہوٹل شامل ہیں جن کا کنٹرول فوری طور پر راجیو گاندھی سپرسپیشیلیٹی ہسپتال کے حوالے کر دیا گیا ہے جو کورونا کے ایسے مریضوں کے علاج کے لئے استعمال کئے جائیں گے جن کا نئی دہلی کے اہم سرکاری دفاترسے تعلق رکھنے والے افسران اور ان کے خاندان کے افراد سے ہو گا۔تاہم ان افسران میں سے اگر کسی کی حالت زیادہ خراب ہوئی تو اسے ہسپتال منتقل کر دیا جائے گا۔