ویوو نے ایکس 60 سیریز کا نیا اسمارٹ فون متعارف کرادیا

0
50

ویوو نے ایکس 60 سیریز کا نیا اسمارٹ فون متعارف کرادیا ہے۔

باغی ٹی وی : ویوو نے دسمبر 2020 میں ایکس 60 اور ایکس 60 پرو پیش کئے تھے جبکہ جنوری میں ایکس 60 پرو پلس سامنے آیا اور اب ایکس 60 ٹی متعارف کرایا گیا۔

یہ نیا فون ایکس 60 سے ملتا جلتا ہے تاہم پرو سیسر مختلف ہےاس فون میں ڈیمینسٹی 1100 پراسیسر موجود ہے جبکہ ایکس 60 میں ایکسینوس 1080 جبکہ اس کے گلوبل ورژن میں اسنیپ ڈراگون 970 پراسیسر دیا گیا۔

فون کے بیک پر 3 کیمروں کا سیٹ اپ موجود ہے جس میں مین کیمرا 48 میگا پکسل کا ہے جس کے ساتھ 13 میگا پکسل الٹرا وائیڈ اور 13 میگا پکسل پورٹریٹ کیمرے موجود ہیں جبکہ فون کے فرنٹ پر 32 میگا پکسل سیلفی کیمرا دیا گیا ہے۔

ایکس 60 ٹی میں 8 جی بی ریم اور 128 جی بی اسٹوریج موجود ہے 6.56 انچ کا فل ایچ ڈی پلس امولیڈ ڈسپلے 120 ہرٹز ریفریش ریٹ سپورٹ کے ساتھ ہے جبکہ فنگرپرنٹ سنسر اسکرین کے اندر نصب ہے۔

فون کے اندر 4300 ایم اے ایچ بیٹری 33 واٹ فاسٹ چارجنگ سپورٹ کے ساتھ دی گئی ہے دیگر فیچرز میں این ایف سی، 5 جی سپورٹ اور اینڈرائیڈ 11 آپریٹنگ سسٹم قابل ذکر ہیں۔

کمپنی کے مطابق مین کیمرے میں گیمبل اسٹیبلائزیشن کا فیچر بھی دیا گیا ہے یہ فون سب سے پہلے چین میں فروخت کے لیے پیش کیا گیا ہے جس کی قیمت 3498 یوآن یعنی 81 ہزار پاکستانی روپے سے زائد رکھی گئی ہے۔

بلیک بیری 5 جی ٹیکنالوجی کے ساتھ ایک بار پھر تہلکہ مچانے کو تیار

ہواوے وائرلیس چارجنگ ٹیکنالوجی متعارف کرانے کے لئے تیار

چینی کمپنی شیاؤمی نے پہلا فولڈایبل اسمارٹ فون لانچ کر دیا

لینووو لیگیون ٹو پرو گیمنگ اسمارٹ فون متعارف کرانے کے لئے تیار

چینی اسمارٹ موبائل فون کمپنی شیاؤمی کی ذیلی کمپنی بلیک شارک نے گیمنگ فونز متعارف…

Leave a reply