کراچی: متحدہ قومی موومنٹ (ایم کیو ایم) پاکستان نے الیکشن کمیشن آف پاکستان (ای سی پی) سے رابطہ کرنے کا فیصلہ کرلیا-
باغی ٹی وی :ایم کیو ایم پاکستان کی رابطہ کمیٹی کا اہم اجلاس سینئر ڈپٹی کنوینر سید مصطفٰی کمال کی زیر صدارت بہادر آباد مرکز پر منعقد ہوا، جس میں اراکین سی او سی اور مرکزی الیکشن سیل کے ذمہ داران نے بھی شرکت کی۔
ترجمان ایم کیو ایم کے مطابق اجلاس میں ووٹر لسٹوں میں اندراج و اخراج اور درستگی کی آخری تاریخ 13 جولائی 2023 دیئے جانے پر شدید تحفظات کا اظہارکیاگیا اجلاس میں ایم کیو ایم کیجانب سے ووٹر اندراج کی تاریخ کو آگے بڑھانے اور درستگی کے حوالے سے الیکشن کمیشن کو خط ارسال کرنے کا فیصلہ کیا گیا ہے-
الیکشن ایسا ہونا چاہیے جس پر انگلیاں نہ اٹھ سکیں،طلال چاہدری کا کراچی مئیرالیکشنز پر …
رابطہ کمیٹی کا کہنا ہے کہ انتخابی شیڈول کے جاری ہونے تک ووٹر لسٹوں م-یں اندراج و اخراج اور درستگی کی جاتی ہے جبکہ اس بار قبل از وقت انتخابی شیڈول سے پہلے ووٹر لسٹوں کے اندراج کی تاریخ کا اعلان پاکستان کی تاریخ میں پہلی بار کیا جارہا ہے، اسے ہرگز قبول نہیں کریں گے۔
قبل ازیں رابطہ کمیٹی کا کہنا تھا کہ ہمارے صبر کو ہماری کمزوری نہ سمجھا جائے پیپلز پارٹی اندرون سندھ کے کھیل شہروں میں نہ کھیلے
پیپلزپارٹی کی بربریت کا منہ توڑ جواب دینے کی طاقت رکھتے ہیں لیکن ہمیں شہر کا امن عزیز ہے-
پارٹی کارکنان عوامی رابطہ مہم شروع کر دیں،مریم نواز
علاوہ ازیں ایم کیو ایم پاکستان نے کل تنظیمی ذمہ داران کا اہم اجلاس طلب کر لیا بہادرآباد مرکز پر کل شام 5 بجے تنظیمی ذمہ داران کا اجلاس ہوگا، جس میں پارٹی کے مختلف شعبہ جات کے زمہ داران شرکت کریں گے-
