وزیرآباد: علی پور چٹھہ کے نواحی گاؤں نوئیں والا چٹھہ میں واقع غیر قانونی پیٹرول ایجنسی میں ٹینکی پھٹنے کے واقعے میں زخمی ہونے والے مزید 5 افراد دم توڑ گئے، جس کے بعد ہلاکتوں کی مجموعی تعداد 7 ہو گئی ہے۔
یہ افسوسناک واقعہ 11 جون کی دوپہر اس وقت پیش آیا جب ایک بڑے آئل ٹینکر سے پیٹرول کی منتقلی کے دوران اچانک ٹینکی زور دار دھماکے سے پھٹ گئی۔ دھماکے کے بعد ٹینکی میں آگ بھڑک اٹھی۔ ٹینکر ڈرائیور فوری طور پر گاڑی بھگا کر دور لے گیا، تاہم قریبی دکان داروں اور عام شہریوں کو شدید جھلسنے سے روک نہ سکا۔
ریسکیو 1122 کے عملے نے موقع پر پہنچ کر زخمیوں کو فوری طبی امداد فراہم کی اور بعد ازاں انہیں کھاریاں برن سینٹر، لاہور اور گوجرانوالہ کے اسپتالوں میں منتقل کیا گیا۔ابتدائی طور پر دو زخمی، 48 سالہ محمد ریاض اور 31 سالہ اویس، 2 روز قبل جاں بحق ہوئے تھے۔ آج مزید 5 زخمی افراد — 32 سالہ عامر، 40 سالہ سرفراز، 15 سالہ منیب، 38 سالہ انصر اور 37 سالہ محمد سلیم — زخموں کی تاب نہ لاتے ہوئے دم توڑ گئے۔
ذرائع کے مطابق مزید 4 افراد کی حالت تشویشناک ہے، جس کے باعث ہلاکتوں میں اضافے کا خدشہ ہے۔پولیس نے واقعے کی تحقیقات شروع کر دی ہیں اور غیر قانونی پیٹرول ایجنسیوں کے خلاف کارروائی کا عندیہ دیا ہے۔
آپریشن بنیان مرصوص میں عوام کا کلیدی کردار، بھارتی عزائم خاک میں ملا دیے، ترجمان پاک فوج
غزہ میں اسرائیلی ٹینکوں کی گولہ باری، امداد کے منتظر 74 فلسطینی شہید، 200 زخمی
نائجیریا میں مسلح افراد کا خوفناک حملہ، بینو ریاست کے گاؤں میں 100 افراد ہلاک
کراچی سمیت ملک بھر میں شدید گرمی کا راج، بعض علاقوں میں ہلکی بارش