وڈھ: آسمانی بجلی گرنے سے دو بچے جاں بحق، 11 بکریاں ہلاک
![](https://baaghitv.com/wp-content/uploads/2024/08/image_2024-08-19_072320289.jpg)
خضدار،باغی ٹی وی (حبیب خان کی رپورٹ)وڈھ میں آسمانی بجلی گرنے سے دو بچے جاں بحق، 11 بکریاں ہلاک
تفصیل کے مطابق وڈھ کے علاقے کوڑیانگ میں آسمانی بجلی گرنے کا دل دہلا دینے والا واقعہ پیش آیا ہے جس میں دو بچے جاں بحق ہو گئے ہیں۔
لیویز لائن انچارج سارونہ جلیل احمد کے مطابق، ہفتہ کے روز بارہ سالہ محمد اسماعیل ولد نوراحمد اور آٹھ سالہ محمد عمران ولد محمد شریف اقوام دینارزئی مینگل ساکنان سارونہ وڈھ اپنے گھر کے قریب ریوڑ چرا رہے تھے کہ اچانک آسمانی بجلی گر گئی جس سے دونوں بچے موقع پر ہی جاں بحق ہو گئے۔ اس حادثے میں 11 بکریاں بھی ہلاک ہو گئیں۔
مقامی لوگ اس المناک حادثے پر گہرے صدمے میں ہیں اور مرحومین کے اہل خانہ سے اظہار تعزیت کر رہے ہیں۔