وفاقی کابینہ اجلاس میں کیا متفقہ فیصلے ہوں گے؟

وزیر اعظم عمران خان کی زیرصدارت وفاقی کابینہ کا اجلاس آج ہوگا ،وفاقی کابینہ اجلاس کے 22 نکاتی ایجنڈے پر غور کیا جائے گا-

باغی ٹی وی : تفصیلات کے مطابق کابینہ اضافی کسٹم ڈیوٹیز اور ریگولیٹری ڈیوٹیز لاگو کرنے سے متعلق فیصلہ کرے گی وفاقی کابینہ گزشتہ اجلاسوں کے فیصلوں پر عمل کی رپورٹ پیش کی جائے گی-

کابینہ کو جی 20 ممالک سے قرضوں کی ادائیگی معطلی کے اقدام پر بریفنگ دی جائیگی ،وفاقی کابینہ ایس اے اے اور ایئرپورٹ اتھارٹی آرڈیننس کی منظوری دے گی، ایس ای سی پی کے آڈیٹرز تعینات کرنے کی منظوری دے گی-

وفاقی کابینہ اسلام آباد کیپٹل ٹیریٹری اتھارٹی ایکٹ اور پبلک آرڈ ایکٹ 2019 میں ترمیم کی منظوری دے گی اسلام آباد کیپٹل ٹیریٹری سیکیورٹی آف اسٹیبلشمنٹ ایکٹ 2019 کا معاملے پر غور ہوگا-

وفاقی کابینہ چیئرمین ای او بی آئی کی کنٹریکٹ پر تعیناتی کی بھی منظوری دے گی اجلاس میں وفاقی کابینہ فیڈرل گورنمنٹ پراپرٹی مینجمنٹ اتھارٹی کے قیام کی منظوری دے گی –

وفاقی کابینہ کمیٹی برائے ادارہ جاتی اصلاحات کے فیصلوں کی توثیق بھی کی جائے گی علاوہ ازیں کابینہ ادارہ شماریات کے ممبر سپورٹ سروس کی دوبارہ تعیناتی کی منظوری دے گی کابینہ کمیٹی توانائی کے گزشتہ 3 اجلاسوں کے فیصلوں کی توثیق بھی کابینہ ایجنڈے میں شامل ہے-