اسلام آباد: چیف جسٹس قاضی فائز عیسیٰ نے عدالت کا وقت ضائع کرنے پر وکیل کو 5 ہزار روپے جرمانہ کردیا۔
باغی ٹی وی : چیف جسٹس نے پراپرٹی کیس میں عدالت کا وقت ضائع کرنے پروکیل کوجرمانہ کیا، رقم فلاحی ادارے میں جمع کروائی جائے گی، انہوں نے ریمارکس دیئے کہ وکیل نےعدالت کو مس لیڈ کرنے کی کوشش کی چیف جسٹس نے ریمارکس دیئے کہ آپ کےاس عمل سے عدالت کوآپ پراعتبارنہیں رہا، جرمانے کی رقم اپنی مرضی کے خیراتی ادارے میں جمع کراکےرسید پیش کریں۔
قبل ازیں چیف جسٹس پاکستان قاضی فائز عیسیٰ کیس کی سماعت کے دوران دو زبانوں میں دلائل دینے پر وکیل پر برہم ہوگئے تھےسپریم کورٹ میں زمین تنازع سے متعلق کیس کی سماعت ہوئی، تو چیف جسٹس قاضی فائزعیسیٰ اور وکیل کے مابین دلچسپ مکالمہ ہوا دوران سماعت چیف جسٹس قاضی فائزعیسیٰ نے کہا کہ پٹھان توسب سے اچھے ہوتے ہیں،جتنا اخلاق آپ کووہاں ملے گا ایسا کہیں اورنہیں، لیکن پٹھانوں کا بس یہ ہے کہ وہ دشمنی بڑی لمبی چلاتے ہیں۔
یا تواردومیں بتائیں یا پوری انگریزی بولیں،چیف جسٹس وکیل پر برہم
وکیل نے جواب میں کہا کہ لگتا ہےمیں نے غلط جگہ پر ایسی بات کردی وکیل کے جملے پر عدالت میں قہقہے بکھر گئے وکیل کے جواب پر چیف جسٹس نے بھی مزاحیہ انداز میں کہا کہ مجھے نہیں لگتا کہ بینچ میں اس معاملے پر اتفاق رائے ہوگا چیف جسٹس پر ایک بار پھر کمرہ عدالت قہقہوں سے گونج اٹھا چیف جسٹس قاضی فائزعیسیٰ نے ریمارکس دیئے کہ ہم نے شوقیہ مقدمہ بازی کوبند کرنا ہے چیف جسٹس وکیل کے اردو اور انگریزی دونوں میں دلائل دینے پر شدید برہم ہوگئے اور کہا کہ آپ نے 2 زبانوں کا قتل کیا ہے، یا تو اردو میں بتائیں یا پوری انگریزی بولیں۔