سرگودھا:راہزنی اور چوری کے 13 مقدمات میں مطلوب گینگ کا سرغنہ دو ساتھیوں سمیت گرفتار

سرگودھا ،باغی ٹی وی( ادریس نواز چدھڑ ) تھانہ سلانوالی پولیس کا جرائم پیشہ عناصر کے خلاف کریک ڈاؤن جاری ۔ راہزنی اور چوری کے 13 مقدمات میں مطلوب گینگ کا سرغنہ دو ساتھیوں سمیت گرفتار ۔

تفصیلات کے مطابق ڈی پی او سرگودھا ڈاکٹر اسد اعجاز ملہی کی ہدایت پر گرفتار ملزمان میں قاسم ،علی اور ندیم شامل ۔ تھانہ سلانوالی پولیس کا جرائم پیشہ عناصر کے خلاف کریک ڈاؤن جاری ۔ ایس ایچ او تھانہ سلانوالی عرفان الحق مارتھ نے پولیس ٹیم کے ہمراہ راہزنی اور چوری کے 13 مقدمات میں مطلوب گینگ کا سرغنہ دو ساتھیوں سمیت گرفتار کر لیا ۔

گرفتار ملزمان کے قبضہ سے 04 لاکھ روپے سے زائد کا مال مسروقہ برآمد کر لیا گیا ،برآمد ہونے والا مال مسروقہ بعد از قانونی کاروائی اصل مالکان کے حوالے کر دیا گیا ، گرفتار ملزمان سے تفتیش جاری ہے مزید انکشافات کی توقع ہے ۔

گرفتار ملزمان کے قبضہ سے وارداتوں میں استعمال ہونے والے تین پسٹل30بور بھی برآمد ، گرفتار ملزمان کے قبضہ سے 12 لٹر شراب برآمد کر کے الگ مقدمہ درج کر لیا گیا ہے ۔

اس موقع پر ایس ایچ او عرفان الحق مارتھ کا کہنا تھا کہ گرفتار ملزمان کو قانون کے مطابق سخت سزا دلوائی جائے گی جبکہ بہترین کارروائی پر ڈی پی او نے ایس ایچ او تھانہ سلانوالی عرفان الحق مارتھ اور انکی ٹیم کو شاباش دی ہے ۔