قومی اتھلیٹکس چیمپئن شپ میرا تھن ریس ،اتھلیٹکس فیڈریشن آف پاکستان اور ڈی ایچ اے کے اشتراک سے میراتھن ریس کا انعقاد کیا گیا،
میراتھن ریس واپڈا کے شیر کے خان نے جیت لی ،شیر خان نے 42 اعشاریہ ایک کلو میٹر کا فاصلہ دو گھنٹے 30 منٹ اور52 سیکنڈ میں طے کیا ،پاکستان ائیر فورس کے عبدالرشید نے دوسری پوزیشن حاصل کی ،آرمی کے خوش احمد دین تیسرے نمبر پر رہے ،ڈی ایچ اے میں ہونے والی میراتھن ریس میں 14 اتھلیٹس نے حصہ لیا
میرا تھن ریس کے فاتح شیر خان نے ریس کے انتظامات کو بہترین قرار دیا،کامیابی کے بعد شیر خان اپنی والدہ کو یاد کرکے آبدیدہ ہوگئے شیر خان کا کہنا تھا کہ مجھے پتا ہی نہیں چلا کہ ریس مکمل ہوگئی ۔ سیکرٹری اتھلیٹکس فیڈریشن آف پاکستان محمد ظفر کا کہنا ہے کہ ڈی ایچ اے نے میراتھن ریس کے بہترین انتظامات کئے ۔ میرا تھن ریس کے انتظامات پر ڈی ایچ اے کے شکر گذار ہیں ۔
