وسیم اکرم، پاکستان کے سابق کپتان ہیں نے 1999 کے کرکٹ ورلڈ کپ کے فائنل میں میچ فکسنگ کی تھی۔ اب وہ بھارتی جوئے کی کمپنی کا ایمبیسڈر بھی بن گئے ہیں،وسیم اکرم پاکستان سے فرار ہو چکے ہیں
پاکستان کے سابق قومی کرکٹر وسیم اکرم جو پاکستان سے بھاگ چکے ہیں، اب ایک بھارتی جوئے کی کمپنی، Baji.com، کے برانڈ ایمبیسڈر کے طور پر کام کر رہے ہیں۔ یہ کمپنی مبینہ طور پر بھارت، لندن، اور کوالالمپور میں رجسٹرڈ ہے، اور اس کے مالک Arora Group of Companies ہیں۔
کھیلوں پر لگانے والی سائٹ باجی کی پروموشن ویڈیو میں کئی معروف شخصیات شامل ہیں ،پاکستان میں جوا کمپنی کی تشہیر پر پابندی عائد ہے تاہم اسکے باوجود سابق کرکٹر وسیم اکرم نے بھارتی بیٹنگ ایپ کمپنی کیلئے پروموشن کیلئے بطور برانڈ ایمبیسیڈر ویڈیو شوٹ کی اور اُسے اپنے انسٹاگرام ہینڈل پر شیئر بھی کیا،ویڈیو کے کیپشن میں لکھا کہ باجی (جوا ایپ) پر سنجیدہ تفریح اور جوش کیلئے میرے ساتھ شامل ہوں، آئیے سنسنی سے لطف اندوز ہوں اور ایک یادیں بنائیں۔
بھارت کمپنی باجی جوئے کی سرگرمیوں میں ملوث ہے، تو اس کے پاکستان یا دیگر ممالک میں قوانین کے مطابق کام کرنے کی قانونی حیثیت جانچنا ضروری ہوگا۔ کسی بھی شخصیت کا اس کمپنی سے منسلک ہونا ان کے مداحوں اور عوام کے لیے خدشات پیدا کر سکتا ہے۔
گزشتہ برس نگران حکومت نے ماہ اکتوبر میں کرکٹ اور دیگر کھیلوں پر جوا کروانے والی 150 کمپنیوں کے خلاف کریک ڈاؤن کا آغاز کیا تھا،یہ کمپنیاں پاکستان میں مختلف موبائل ایپلی کیشن اور ویب سائٹس کے ذریعے کام کرتی ہیں اور لوگ ان کے ذریعے جوا کھیلتے تھے،پاکستان کرکٹ بورڈ، پاکستان سپر لیگ، فرنچائزز، کلب کرکٹ، ٹی وی اور ریڈیو براڈکاسٹرز کو سختی سے ہدایت کی گئی تھی کہ وہ ان کمپنیوں کے ساتھ کسی قسم کا رابطہ نہ رکھیں اور نہ ہی ان کمپنیوں کی کسی بھی طرح سے تشہیر کریں، تاہم وسیم اکرم باز نہ آئے اور بھارتی جوئے کی کمپنی کے برانڈ ایمبیسڈر بن گئے،
علاوہ ازیں سابق ٹیسٹ کرکٹر سرفراز نواز نے وسیم اکرم کے بارے میں اہم انکشافات کئے تھے اور کہا تھا کہ ورلڈ کپ کے تین میچ فکس ہونے کی کہانیاں عام تھیں اس وقت وسیم اکرم پر پابندی لگادی جاتی تو یہ دن نہ دیکھنے پڑتے،انہوں نے جسٹس قیوم کمیشن کے سامنے حقائق رکھے جبکہ جنوبی افریقہ کے علی باقر نے بھی دو میچ فکس قرار دیے تھے اور فائنل بھی فکس تھا۔ اس وقت کڑی سزائیں دی جاتیں تو آج کرکٹ کی یہ حالت نہ ہوتی. اب جوا مافیا پی ایس ایل تک پہنچ گیا ہے اور یہ سب اسی سلسلے کی کڑی ہے۔سرفراز نواز نے دعویٰ کیا ہے کہ وسیم اکرم کی کپتانی میں سال 1999 عالمی کپ کے دوران پاکستان نے دو میچ فکس کئے تھے۔ 1999 عالمی کپ کا فائنل میچ اور اسی ٹورنامنٹ میں پاکستان اور بنگلہ دیش کے درمیان ہوا مقابلہ فکس تھا۔
