قومی کرکٹ کے سابق کپتان وسیم اکرم اور ان کی اہلیہ سماجی کارکن شنیرا اکرم نے دن میں زیادہ نہ کمانے پر اپنے ہی والد کی جانب سے تشدد کا نشانہ بننے والے ایک 8 سالہ بچے کی ویڈیو پر دکھ اور تشویش کا اظہار کیا ہے۔
باغی ٹی وی :شنیرا اکرم معاشرے میں موجود سنگین مسائل میں سے ایک کو اجاگر کرنے کی کوشش کرتی رہتی ہیں اور سوشل میڈیا پر متحرک رہتی ہیں اکثر و بیشتر وہ والدین کے لئے معنی خیز پیغامات بھی جاری کرتی رہتی ہیں اور معاشی مسائل پر اپنا اظہار خیال کرتی نظر آتی ہیں جبکہ وسیم اکرم اور ان کی اہلیہ شنیرا اکرم کراچی کے ساحل پر گندگی کی طرف توجہ دلانے سمیت دنیا بھر میں پھیلی عالمی وبا کے دوران احتیاطی تدابیر اپنانے کی ہدایت کرتے دکھائی دیتے ہیں۔
تاہم اب شنیرا اکرم اور ان کے شوہرپاکستان کرکٹ ٹیم کے سابق کپتان وسیم اکرم نے سوشل میڈیا پر ایک 8 سالہ بچے کی ویڈیو پر دکھ اور تشویش کا اظہار کیا ہے جسے دن میں زیادہ نہ کمانے پر اپنے ہی والد کی جانب سے تشدد کا سامنا ہے۔
وسیم اکرم نے سماجی رابطے کی ویب سائٹ ٹوئٹر پر جاری ٹوئٹ میں اس ویڈیو پر اپنے ردعمل کا اظہار کرتے ہوئے کہا کہ میری نظر میں اس کرہ ارض پر زندگی کی سب سے حقیر قسم کے وہ لوگ ہیں جو بچوں کو تکلیف دیتے ہیں اور انہیں ٹارچر کرتے ہیں۔
In my book, the lowest form of life on this planet are those who hurt and torture children. This video is absolutely heart wrenching to watch. The one man who was meant to protect this little boy, became only thing he feared the most. I’m sick to my stomach https://t.co/AUxD5djAKg
— Wasim Akram (@wasimakramlive) November 11, 2020
وسیم اکرم نے مزید کہا کہ یہ ویڈیو بالکل دل کو جھنجھوڑنے والی ہے۔
انہوں نے کہا کہ وہ شخص جسے اس چھوٹے بچے کی حفاظت کرنی چاہیے تھی وہی وہ چیز بن گیا ہے جس سے وہ سب سے زیادہ خوفزدہ ہے میں بہت برا محسوس کررہا ہوں۔
دوسری جانب وسیم اکرم کی اہلیہ اور سماجی کارکن شنیرا اکرم نے بھی اس ویڈیو پر دکھ کا اظہار کیا۔
انہوں نے اپنے ٹوئٹ میں لکھا کہ ہر بچہ خدا کی نعمت ہے، وہ لوگ جو ان معصوم زندگیوں کے ساتھ برا سلوک کرتے ہیں، وہ برائی کی خالص ترین قسم ہیں۔
Every child is a blessing from God, those who abuse these innocent gifts of life, are the purest form of Evil! https://t.co/LgNd5YQF7M
— Shaniera Akram (@iamShaniera) November 11, 2020