علمائے کرام نے پاک فوج سے مکمل اظہار یکجہتی کرتے ہوئے عسکری قیادت کو زبردست خراج تحسین پیش کیا ہے۔ علمائے کرام نے کہا کہ ملک جنگی حالات سے گزر رہا ہے، ہمیں اپنی فوج کو بھرپور سپورٹ کرنی چاہئے۔
کنونشن سینٹر اسلام آباد میں قومی علماء مشائخ کانفرنس میں علماء نے پاک فوج سے مکمل اظہار یکجہتی کیا، سربراہ جامعۃ الرشید مفتی عبدالرحیم نے کہا کہ ملک جنگی حالات سے گزر رہا ہے، پاک فوج حرمین شریفین کی محافظ بھی ہے۔علامہ طاہر اشرفی نے کہا کہ وطن کے نظریے کی حفاظت علماء نے کرنی ہے۔علامہ شبیر حسن میثمی کا کہنا تھا کہ بنیان مرصوص دنیا میں ہماری عزت کی وجہ بنا۔علامہ ضیاء اللہ شاہ نے کہا کہ سیاست کے نام پر پاک فوج کیخلاف بات نہیں کرنے دیں گے۔پیر حسن حسیب الرحمان کا کہنا تھا کہ علمائے کرام قدم قدم پر پاک افواج کے ساتھ ہیں۔
