ٹھٹھہ، باغی ٹی وی( نامہ نگار راجہ قریشی)دھابیجی پمپنگ اسٹیشن،بجلی کے بریک ڈاؤن کے باعث کراچی کو پانی فراہم کرنے والی دو پائپ لائنیں پھٹ گئیں،کراچی کے مختلف علاقوں کورنگی، قائد آباد لانڈھی، ملیر، شاہ لطیف ٹاؤن، گلشن اقبال اور دیگر علاقوں میں پانی کی قلت –
تفصیل کے مطابق دھابیجی پمپنگ اسٹیشن پر بجلی کے بریک ڈاؤن کے باعث کراچی کو پانی فراہم کرنے والی دو پائپ لائنیں پھٹ گئیں،آر سی سی پائپ لائن نمبر 1 اور 72 انچ قطر کی پائپ لائن نمبر 5 پھٹ گئی ہیں ،واٹر بورڈ انتظامیہ کا کہنا ہے کہ پمپنگ اسٹیشن کے چار پمپ مکمل بند ہوگئے ہیں.
دوسری طرف متاثرہ پائپ لائنوں کا مرمتی کام شروع نہ ہوسکا ،کراچی کے مختلف علاقوں کورنگی، قائد آباد لانڈھی، ملیر، شاہ لطیف ٹاؤن، گلشن اقبال اور دیگر علاقوں میں پانی کی قلت ہوگئی ہے.پانی عدم فراہمی پر شہریوں کو پریشانی کا سامنا کرنا پڑرہا ہے-
Shares:
