وزارت ریلوے میں کرونا کے وار شدت اختیار کرگئے ۔
وزارت کے شعبہ منصوبہ بندی، آپریشن اسٹیبلشمنٹ اور فنانس کے افسران وملازمین کرونا کا شکار ہوگئے ہیں جبکہ سیکرٹری ریلوے پہلے ہی کرونا کا شکار ہوچکے ہیں ۔اس خبر رساں ادارے کے مطابق وزارت ریلوے میں کرونا کے وار شدت اختیار کرگئے ہیں ۔وزارت ریلوے کے شعبہ منصوبہ بندی کے ڈی جی اور افسران اور ان کا سٹاف جن میں خواتین بھی شامل ہیں کرونا کا شکار ہوگئے ہیں ۔اس کے ساتھ شعبہ آپریشن کے ڈی جی بھی کرونا کاشکار ہوچکے ہیں جبکہ اس کے ساتھ ملازمین کو بھی کرونا ہوگیا ہے شعبہ اسٹیبلشمنٹ اور فنانس کے ملازمین میں بھی کرونا نکل آیا ہے ۔
جبکہ وزارت ریلوے کے سیکرٹری پہلے ہی کرونا کا شکار ہیں۔وزارت میں بڑی تعداد میں افسران و ملازمین کے کرونا کے شکار ہونے کے بعد ملازمین میں خوف وہراس پھیل گیا ہے مگر حکام کی طرف سے ابھی تک معاملہ کو سنجیدہ نہیں لیا جارہا۔ملازمین کو معمول کے مطابق ڈیوٹی پر بلایا جارہاہے جس سے کرونا کے مزید پھیلنے کا خدشہ پیدا ہو گیا ہے ۔
رپورٹ ،محمد اویس، اسلام آباد
