سعد فاروق
وزیراعظم پاکستان محمد شہباز شریف نے آذربائیجان کے صدر الہام علییوف سے ملاقات کی، جس میں دوطرفہ تعلقات، علاقائی استحکام، اقتصادی و دفاعی تعاون اور بھارت کے ساتھ حالیہ کشیدگی جیسے اہم معاملات زیر بحث آئے۔
باغی ٹی وی کے مطابق وزیراعظم شہباز شریف نے آذربائیجان کی حکومت اور عوام کا پاکستان کی غیر متزلزل حمایت پر شکریہ ادا کیا۔ انہوں نے کہا کہ بھارت کے خلاف حالیہ تنازعے میں آذربائیجان کی حمایت نے پاکستانی عوام کے دل جیت لیے۔دونوں رہنماؤں نے دوطرفہ تعلقات کی موجودہ سطح پر اطمینان کا اظہار کرتے ہوئے مختلف شعبوں خصوصاً معاشی، دفاعی اور ثقافتی میدان میں تعاون بڑھانے پر اتفاق کیا۔
مستقبل میں مزید پیشرفت کے لیے دونوں ممالک کے درمیان وفود کی سطح پر ملاقاتیں جلد منعقد کی جائیں گی تاکہ سرمایہ کاری، تجارتی روابط اور مشترکہ منصوبوں پر عمل درآمد کو فروغ دیا جا سکے۔دونوں رہنماؤں نے خطے میں پائیدار امن، خوشحالی اور عالمی فورمز پر اصولی مؤقف کے فروغ کے لیے مشترکہ کاوشوں پر زور دیا۔
وزیراعظم شہباز شریف نے پاکستان، ترکیہ اور آذربائیجان کے سہ فریقی اجلاس میں شرکت کے لیے لاچین کا دورہ کیا، جہاں ان کا شاندار استقبال کیا گیا۔ اجلاس میں صدر رجب طیب اردوان اور صدر الہام علییوف بھی شریک ہوں گے۔نائب وزیراعظم و وزیر خارجہ محمد اسحاق ڈار،فیلڈ مارشل سید عاصم منیر،وزیر اطلاعات عطا اللہ تارڑ اور وزیراعظم کے معاون خصوصی طارق فاطمی بھی وفد میں شامل ہیں.
یاد رہے کہ یہ ملاقات وزیراعظم کے چار ملکی دورے کا حصہ ہے جس میں وہ ایران میں سپریم لیڈر آیت اللہ خامنہ ای اور صدر مسعود پزشکیان سے ملاقات کر چکے ہیں۔ترکیہ میں صدر رجب طیب اردوان سے بھی اہم ملاقاتیں کر چکے ہیں۔آئندہ مرحلے میں تاجکستان میں گلیشیئرز کانفرنس اور اعلیٰ قیادت سے ملاقاتیں متوقع ہیں۔
تجزیہ کاروں کے مطابق یہ سفارتی سرگرمیاں پاکستان کے بین الاقوامی تعلقات کو مزید مستحکم بنانے اور خطے میں امن و استحکام کے لیے اہم پیش رفت تصور کی جا رہی ہیں۔
نریندر مودی بالآخر اپنی اوقات پر آگئے: وزیر دفاع خواجہ آصف کا سخت ردعمل
راہول گاندھی کی مودی حکومت پر تنقید،بھارت عالمی سطح پر تنہا ہو چکا ہے
مودی حکومت کی ہٹ دھرمی،کرتارپور راہداری بدستور بند
راہول گاندھی کی مودی حکومت پر تنقید،بھارت عالمی سطح پر تنہا ہو چکا ہے
