وزیراعظم شہباز شریف نے مختلف ممالک میں پاکستان کے نئے سفرا کی تعیناتی کی منظوری دیدی۔
باغی ٹی وی کے مطابق وزیراعظم سیکرٹریٹ نے بتایا ہے کہ عاصمہ ربانی فلپائن میں پاکستان کی نئی سفیر ہوں گی اور رحیم حیات قریشی برسلز میں پاکستان کے نئے سفیر اور سفیر برائے یورپی یونین ہوں گے۔عبدالحمید بھٹہ جاپان میں پاکستان کے نئے سفیر ہوں گے، نجیب درانی گھانا میں پاکستان کے نئے سفیر ہوں گے، زاہد حفیظ چوہدری کو انڈونیشیا میں پاکستان کا سفیر تعینات کیا گیا ہے۔معظم شاہ ساؤتھ کوریا میں پاکستان کے نئے سفیر ہوں گے اور ملک فاروق کو ساوؐتھ افریقہ میں پاکستان کا سفیر تعینات کیا گیا ہے جب کہ شہباز کھوکر بیروت، عادل گیلانی مراکش میں پاکستان کے نئے سفیر ہوں گے۔
وزیراعظم سیکرٹریٹ کے مطابق طارق کریم اور اقصیٰ نواز کو افریقی ممالک میں پاکستان کے سفرا ہوں گے، سید حیدر شاہ کو نیدرلینڈ میں پاکستان کا سفیر تعینات کیا گیا ہے، عامر شوکت مصر جب کہ مرغوب سلیم بٹ سوئٹزلینڈ میں پاکستان کے نئے سفیر ہوں گے۔اس کے علاوہ، زمان مہدی شکاگو میں پاکستان کے قونصل جنرل ہوں گے، واجد ہاشمی ملبرن جب کہ تنویر بھٹی شینی شہر چینگدو میں پاکستان کے نئے قونصل جنرل ہوں گے، امتیاز گوندل مانچسٹر میں پاکستان کے نئے قونصل جنرل ہوں گے۔اسی طرح، شہریار اکبر چیک ریپبلک میں پاکستان کے نئے سفیر ہوں گے اور عاصمہ ربانی فلپائن میں پاکستان کی نئی سفیر ہوں گی۔
پی ٹی آئی کے دور ، پنجاب کے سرکاری اسکولوں میں بوگس داخلوں کا انکشاف
کرم میں آپریشن شروع، ایف سی قلعے سے فورسز کی شیلنگ
امریکی صدر نے 5افراد کو معافی دیدی،عافیہ صدیقی کا نام نہیں
آئی پی ایل اتنی خاص کیوں ہے؟، مارک بچر کی انگلش بورڈ پر کڑی تنقید
