چیئرمین وزیراعظم یوتھ پروگرام اور مسلم لیگ نون کے سینیئر رہنما رانا مشہود احمد خان نے کہا ہے کہ وزیراعظم یوتھ پروگرام بے روزگار نوجوانوں کو پاں پر کھڑا کرنے کا بہترین ذریعہ ہے.
باغی ٹی وی کے مطابق مسلم لیگ نون ملیر کے ضلعی صدر یو سی چیئرمین اور کے ایم سی میں نواز لیگ کے پارلیمانی لیڈر فیروز خان کی رہائش گاہ پر ان کے بھتیجے شہروز خان کے انتقال پر تعزیت کے موقع پر کارکنان اور عمائدین علاقہ سے اپنے خطاب میں رانا مشہود احمد خان نے کہا کہ ہنر مند نوجوان اس پروگرام سے فائدہ اٹھا کر خود کو معاشرے کا اچھا شہری بنا سکتے ہیں.میاں شہباز شریف کی قیادت میں ملک معاشی سطح پر مضبوط سے مضبوط تر ہوتا جا رہا ہے عمران حکومت کے خاتمے سے قبل وطن عزیز ڈیفالٹ ہونے جا رہا تھا شہباز شریف نے ملک کو ڈیفالٹ ہونے سے نہ صرف بچایا بلکہ ملک کو ترقی کی راہ پر گامزن بھی کیا جس کے ثمرات قوم کو ملنا شروع ہو گئے ہیں .
انہوں نے مزید کہا کہ نواز لیگ کے بلدیاتی نمائندوں کے مسائل کے حل اور سندھ حکومت کے عدم تعاون سے متعلق وہ وزیراعظم سے ملاقات کر کے نہ صرف اس کی نشاندہی کریں گے بلکہ کراچی کے بلدیاتی نمائندوں کی ملاقات کے لیے بھی ان سے وقت لیں گے تاکہ یو سی چیئرمینز خود اپنے مسائل سے وزیراعظم کو آگاہ کر سکیں،ہنر مند نوجوان اس پروگرام سے فائدہ اٹھا کر خود کو معاشرے کا اچھا شہری بنا سکتے ہیں اس موقع پرکھیل داس کوہستانی، نہال ہاشمی، نعیم کامران، فہد شفیق، اسرار خان، دلدار کھوکھر، گل محمد مروت، عبید راجہ کھیل، ڈاکٹر حمید، ملک حاکم، احمد زیب، خرم بھٹی، کاشف فیروز، اسلام زادہ کے علاوہ بڑی تعداد میں عہدیداران موجود تھے۔
سندھ حکومت کھیلوں کے فروغ کیلئے کوشاں ہے، وزیر توانائی
سندھ کے تھانوں میں سی سی ٹی وی کیمروں کی تنصیب کا فیصلہ
ریلوے نے مزید 620بوگیوں کی پاکستان میں تیاری شروع کر دی
سینئر وزیر پنجاب کو مریم اورنگزیب کو مزیدوزارتیں دے دی گئیں
