واضح ہو گیا کہ نو مئی کا ماسٹر مائند بانی چیئرمین پی ٹی آئی تھا ،عطا تارڑ

پاکستان مسلم لیگ ن کے رہنما اور وفاقی وزیراطلاعات عطا تارڑنے کہا ہے کہ آج یہ بات واضح ہو گئی ہے کہ 9 مئی کو ہونے والے واقعات کے پیچھے بانی چیئرمین پاکستان تحریک انصاف عمران خان کا ہاتھ تھا اور اس کے تمام ساتھی اس منصوبہ بندی میں شامل تھے۔

عطا تارڑ کا کہنا تھا کہ 9 مئی کا واقعہ سیاسی دہشت گردی کی بدترین مثال تھا جس میں ملک کے اہم اداروں کو نشانہ بنایا گیا۔ ان کا کہنا تھا کہ جو سزائیں اس المناک واقعے کے حوالے سے دی گئی ہیں، وہ ملک دشمنوں کو واضح پیغام دے رہی ہیں۔ ان سزاؤں کا مقصد یہ ہے کہ قانون کی حکمرانی قائم ہو اور آئندہ کے لیے یہ ایک مثال قائم ہو کہ کوئی بھی شخص ایسی مکروہ حرکت کرنے کی جرات نہ کرے۔ انہوں نے اس عزم کا اظہار کیا کہ تمام مجرمان کو کیفر کردار تک پہنچایا جائے گا تاکہ ایسے واقعات کا دوبارہ تدارک کیا جا سکے۔انہوں نے کہا، "یہ فیصلے نہ صرف قانون کی بالا دستی کو قائم کرتے ہیں بلکہ ایک مضبوط پیغام بھی دیتے ہیں کہ ہم ملک میں امن، استحکام اور آئین کی بالادستی کے لیے ہر حد تک جائیں گے۔”

نومئی، سارے ملزمان کیفر کردار تک پہنچیں گے تو ہم مل کر جشن منائیں گے، عطا تارڑ
عطا تارڑ کا مزید کہنا تھا کہ الیکشن میں جو وعدے کیے تھے اس کی تکمیل کی طرف بڑھ رہے ہیں ، ریکارڈ ترقی یافتہ کاموں کا وعدہ کیا تھا وہ پوراہوگا، آپ لوگوں نے الیکشن میں ساتھ دیا احسان بھولنے والے نہیں ، الیکشن میں جو وعدے کیے تھے اس کی تکمیل کی طرف بڑھ رہے ہیں ،ملک میں معیشت ترقی کررہی ہے ، مہنگائی کم ہورہی ہے ،جس نے چوری کی تھی وی آج بھگت رہا ہے پھر بھی ملک دشمنی سے باز نہیں آتا، جنہوں نے 9 مئی کو حملے کیے انہیں آج سزا سنائی گئی ہے ، اس سے پہلے کبھی فوجی تنصیبات پر حملے نہیں ہوئے تھے ، 9 مئی ایک سیاہ دن تھا، آج انصاف پر مجھے خوشی ہے، اِس خوشی کے دن اپنے بھائیوں کے درمیان کھڑا ہوں، جب سارے ملزمان کیفر کردار تک پہنچیں گے تو ہم مل کر جشن منائیں گے،

واضح رہے کہ 9 مئی کو پاکستان میں پی ٹی آئی کے کارکنوں اور حامیوں نے پرتشدد مظاہروں اور توڑ پھوڑ کا سلسلہ شروع کیا تھا جس میں کئی اہم سرکاری اور عسکری اداروں کو نشانہ بنایا گیا تھا۔ اس میں فوجی املاک اور عدلیہ کے حوالے سے بھی توہین آمیز واقعات پیش آئے تھے۔ ان واقعات کے نتیجے میں ملک بھر میں سیاسی اور معاشی عدم استحکام پیدا ہوا اور اس کے خلاف سخت قانونی کارروائیاں کی گئیں۔آج فوجی عدالتوں نے 25 ملزمان کو سزا سنائی ہے،

پاک افغان سرحد پر دراندازی کی کوشش،4 خارجی ہلاک،ایک جوان شہید

نومئی کے مجرموں کو سزا،منصوبہ سازبھی بچ نہ پائیں

سزائیں پلان پر عمل کرنے والوں کو،منصوبہ سازوں کی بھی جلد باری آئے گی،خواجہ آصف

سانحہ نومئی،14 مجرموں کو 10 سال قید،25 سزا یافتہ مجرموں کی تفصیل