وزیرستان میں کھیلوں کی سرگرمیوں میں اضافہ،نیشنل تائیکوانڈو چیمپئن شپ کا انعقاد
باغی ٹی وی کی رپورٹ کے مطابق وزیرستان میں امن لوٹ آیا، وزیرستان میں کھیلوں کی سرگرمیوں میں اضافہ ہونے لگا،
ڈی جی آئی ایس پی آرکے مطابق کیڈٹ کالج اسپنکئی جنوبی وزیرستان میں نیشنل تائیکوانڈو چیمپئن شپ کا انعقاد کیا گیا۔ وزیرستان امرزئی کی ٹیم نے فائنل جیت لیا۔
وزیرستان میں پاکستان بھر سے آنے والے کھلاڑیوں کا زبردست استقبال کیا گیا۔ایونٹ کا انقعاد ایف سی خیبرپختونخوا سائوتھ کے زیراہتمام کیا گیا جس میں نوجوانوں کی بڑی تعداد نے شرکت کی۔
ڈی جی آئی ایس پی آر کے مطابق ایونٹ میں چاروں صوبوں، آزادکشمیر، گلگت بلتستان اور اسلام آباد کی 8 ٹیموں کے 200 سے زائد ایتھلیٹس نے وزیرستان میں اپنی نوعیت کے سب سے بڑے اور پہلے تائیکوانڈو ایونٹ میں حصہ لیا۔خیبرپختونخوا کی ٹیم نے رنراپ ٹرافی حاصل کی۔
ڈی جی آئی ایس پی آر کے مطابق پروگرام کا مقصد مقامی نوجوانوں کو قومی سطح پر دوسرے صوبوں کے کھلاڑیوں کے برابر مقابلہ کرنے کے مواقع فراہم کرنا تھا۔
