اسلام آباد: ملک بھر میں اسلحہ فروخت پر پابندی عائد کردی گئی ہے –
باغی ٹی وی : وزارت داخلہ نے ملک بھرمیں اسلحہ فروخت پر پابندی عائد کردی ہے اور اس حوالے سے باضابطہ نوٹیفکیشن بھی جاری کر دیا گیا ہے،نوٹیفکیشن میں وزارت داخلہ کا کہنا ہے کہ پاکستان آرڈیننس فیکٹری(پی او ایف) کےعلاوہ ڈیلرکی رسیدیں قابل قبول نہیں، اسلحہ ڈیلرز ممنوعہ بور ہتھیار فروخت نہیں کرسکتے،اسلحہ ڈیلر لائسنس ہولڈرز کو بھی ممنوع بور ہتھیار فروخت نہیں کرسکتے، لائسنس ہولڈرز صرف پاکستان آرڈیننس فیکٹری سے اسلحہ خرید سکتے ہیں، اور لائسنس پاکستان آرڈیننس سے خریدے گئے اسلحے کا ہی بنے گا، پی او ایف کےعلاوہ کسی ڈیلر سے خریدے گئے اسلحے کا لائسنس نہیں بنے گا۔
سائفر کیس: چیئرمین پی ٹی آئی کا جیل ٹرائل روکنے کا تحریری حکم نامہ جاری
دوسری جانب لاہور میں کم عمر ڈرائیورز، ون ویلرز اور ریسنگ لگانے والوں کے خلاف کریک ڈاؤن جاری ہے،لاہور ٹریفک پولیس نے شہر کے پوش ایریاز میں ناکے لگا کر درجنوں گاڑیاں بند کر دیں، ڈی ایچ اے سیکیورٹی کے تعاون سے ناکے قائم کردئیے گئے ہیں، متعدد کو چالان ٹکٹس جاری کیں۔
