ینگ انجینئر ٹیکنالوجسٹس ایسوسی ایشن کے وفد نے میاں اسلم اقبال سے ملاقات میں کیا بڑا مطالبہ
باغی ٹی وی کی رپورٹ کے مطابق صوبائی وزیر صنعت و تجارت میاں اسلم اقبال سے ینگ انجینئر ٹیکنالوجسٹس ایسوسی ایشن کے صدر سید علی حسن کی قیادت میں وفد کی ملاقات ہوئی ہے
وفد نے پاکستان میں انجینئرنگ ٹیکنالوجی ایجوکیشن اور ٹیکنالوجی گریجوایٹس کو درپیش مسائل سے آگاہ کیا ،چئیرمین ٹیوٹا علی سلمان صدیق اور چیف آپریٹنگ آفیسر اختر عباس بھروانہ بھی ملاقات میں موجود تھے
وفد نے ملاقات میں کہا کہ نیشنل ٹیکنالوجی کونسل ایکٹ کے نہ ہونے سے ٹیکنالوجی گریجوایٹس کیلئے آگے بڑھنے کے مواقع نہیں ہیں، یہ ایکٹ بن جائے تو ملک کے سا ڑھے 3لاکھ ٹیکنالوجسٹس کو فائدہ ہوگا،
وفد نے مطالبہ کیا کہ این ٹی سی میں بھی انجنئیر نگ ٹیکنالوجسٹس کی نمائندگی ہونی چاہئے،
صوبائی وزیر صنعت و تجارت میاں اسلم اقبال سے ینگ انجینئر ٹیکنالوجسٹس ایسوسی ایشن کے صدر سید علی حسن کی قیادت میں وفد کی ملاقات pic.twitter.com/WWNmjrtTnP
— Baaghi TV باغی ٹی وی (@BaaghiTV) July 2, 2020
صوبائی وزیر صنعت و تجارت میاں اسلم اقبال کا کہنا تھا کہ این ٹی سی کو فعال کرنے اور این ٹی سی ایکٹ کی منظوری کیلئے متعلقہ وفاقی وزراء سے بات کی جائے گی،ٹیکنالوجی گریجوایٹس کے مسائل کے حل کیلئے ہرممکن کوشش کریں گے ،این ٹی سی کے فعال ہونے اور ایکٹ بننے سے ٹیکنالوجسٹس کے لیے مواقع بڑھیں گے
صوبائی وزیر صنعت و تجارت میاں اسلم اقبال نے این ٹی سی ایکٹ کے حوالے سے سفارشات مرتب کرنے کی ہدایت کر دی، میاں اسلم اقبال کا کہنا تھا کہ پاکستان کا مستقبل فنی تعلیم سے جڑا ہے ،پنجاب حکومت نے فنی تعلیم کے فروغ کیلئے انقلابی حکمت عملی اپنائی ہے
صوبائی وزیر صنعت و تجارت میاں اسلم اقبال کا مزید کہنا تھا کہ علی سلمان صدیق کی قیادت میں ٹیوٹا فنی تعلیم کے فروغ میں اہم کردار ادا کر رہا ہے ،جدید ٹیکنالوجی کو فروغ دے کر ترقی کے اہداف تیزی سے حاصل کئے جاسکتے ہیں ،ٹیکنالوجی ایجوکیشن پر بھر توجہ دے کر ملک کی ترقی اور خوشحالی منزل پاسکتے ہیں،
