مقبول بین الاقوامی میسجنگ ایپ واٹس ایپ کی جانب سے وائس نوٹ ٹرانسکرپشن (Voice note Transcription) پر کام کا آغاز کر دیا ہے جو جلد ہی صارفین کو فراہم کردیا جائے گا۔
باغی ٹی وی : معروف میسیجنگ ایپلیکیشن واٹس ایپ صارفین کی آسانی کے لیے آئے روز کارآمد فیچرز متعارف کراتی ہے، اب واٹس ایپ نے صارفین کو ایک اور سہولت فراہم کردی ہے، واٹس ایپ صارفین کی سہولت کیلئے وائس نوٹ ٹرانسکرپشن پر کام کررہی ہے جسے جلد ہی پیش کردیا جائے گا۔
ویب بیٹا انفو کی رپورٹ کے مطابق واٹس ایپ وائس نوٹ ٹرانسکرائب فیچر کے ذریعے صارفین کو وائس میسیجز یا پھر کسی انٹرویو کو سننے کی ضرورت نہیں پڑھے گی بلکہ اب آپ اپنی مرضی سے وائس نوٹ کو پڑھ بھی سکیں گے واٹس ایپ انتظامیہ وائس ٹرانسکرپشن فیچر میں زبان کی تبدیلی کے آپشن پر بھی کام کررہی ہےجس سے ٹرانسکرپٹس کو مزید بہتر بنانے کا موقع ملے گا، اس کے لیے واٹس ایپ مذکورہ فیچر کو مختلف زبانوں میں تبدیل کرنے کے لیے ایپلیکیشن میں ایک نئے حصہ قائم کر سکتا ہے۔
گورنر سندھ کا مبینہ بااثر وڈیرے کے ظلم کا شکار شخص کو 2 اونٹ …
مگر فی الحال اس نئے فیچر میں پانچ زبانیں دستیاب ہوں گی جن میں انگلش، ہسپانوی، پرتگالی، روسی اور ہندی زبان شامل ہیں جنہیں دیکھتے ہوئے صارفین اپنی مرضی کی کسی بھی زبان کا انتخاب کرسکیں گے تاہم مستقبل میں مزید زبانیں آئندہ مہینوں میں دستیاب ہوں گی۔
ویب بیٹا انفو کے مطابق صارف کو وائس نوٹ کو ٹرانسکرائب کرنے کیلئے 150ایم بی کے نئے ایپ ڈیٹا کو ڈاؤن لوڈ کرنے کی ضرورت پڑے گی، اضافی ڈیٹا ڈاؤن لوڈ کرنے کے بعدصارفین صوتی پیغامات کو پڑھنے کے لیے نئے فیچر کا استعمال کر سکیں گے، نیا فیچر خاص طور پر ایسے حالات میں کارآمد ثابت ہوگا جہاں وائس ریکارڈنگ سننا مشکل ہو۔
