واٹس ایپ میں نیا اسرائیلی وائرس پھیلنے کا انکشاف

واٹس ایپ کی جانب سے الزام عائد کیا گیا ہے کہ پیراگون سلوشنز نامی ایک اسرائیلی کمپنی نے واٹس ایپ استعمال کرنے والے تقریباً 100 صحافیوں اور انسانی حقوق کے کارکنوں کے فون ہیک کیے ہیں۔

باغی ٹی وی : میڈیا رپورٹ کے مطابق واٹس ایپ مالکان نے الزام عائد کرتے ہوئے کہا کہ ہیکرز نے گریفائٹ نامی ایک طاقتور ٹول کا استعمال کیا جو صارف کے کسی بھی چیز پر کلک کیے بغیر ڈیوائسز میں داخل ہو سکتا ہے۔

واٹس ایپ نے دعویٰ کیا کہ صحافیوں اور کارکنوں سمیت تقریباً 90 افراد کے فونز کو ممکنہ طور پر ہیک کیا گیااگرچہ واٹس ایپ نے یہ واضح کہ متاثر ہونے والے افراد کا تعلق کہاں سے ہے، حکام نے صرف اتنا بتایا کہ اسرائیل کمپنی کا ہدف سول سوسائٹی اور میڈیا کے ارکا ن تھے، واٹس ایپ نے ذمہ دار کمپنی پیراگون کے خلاف بھی ایک انتباہی خط بھیج کر اور انہیں جوابدہ ٹھہرانے کے لیے قانونی آپشنز کی تلاش میں کارروائی کی۔

میرپورماتھیلو: رونتی کچے میں پولیس آپریشن، جوابی کارروائی میں ڈاکوؤں کا حملہ ناکام

پیراگون سلوشنز، ایک کمپنی جس کا دفتر ورجینیا، امریکہ میں ہے، گریفائٹ نامی ایک طاقتور جاسوسی ٹول بنانے کے لیے مقبول ہے یہ ٹول پیگاسس نامی ایک اور معروف جاسوسی سافٹ ویئر سے ملتا جلتا ہے ایک بار جب گریفائٹ کسی ڈیوائس پر انسٹال ہو جاتا ہے، تو اسے کنٹرول کرنے والا ہر چیز تک رسائی حاصل کر سکتا ہے، جن میں واٹس ایپ اور سگنل جیسی نجی ایپس کے ذریعے بھیجے گئے پیغاما ت بھی شامل ہیں۔

واٹس ایپ کی جانب سے مزید کہا گیا ہے کہ کمپنی متاثرہ صارفین کی مدد کرنے اور مستقبل میں اسی طرح کی خلاف ورزیوں کو روکنے کے لیے اپنی سیکیورٹی کو مزید بہتر بنانے کے لیے کام کر رہی ہے۔

کراچی،شادی ودیگر تقریبات کے دوران ہوائی فائرنگ پر پابندی عائد

خبررساں ایجنسی کے مطابق اس معاملے پر پیراگون نے کسی قسم کا تبصرہ کرنے سے انکار کر دیا ہے۔