Ayesha Rehmani
جرمن ڈیفنس چیف جنرل کارسٹن بریور نے خدشہ ظاہر کیا ہے اگلے 4 سال میں ممکنہ روسی حملے کی پیش نظر نیٹو کو تیار رہنا ہوگا۔
بین الاقوامی خبر رساں ادارے کی رپورٹ کے مطابق جرمن ڈیفنس چیف جنرل کارسٹن بریور کا کہنا تھا کہ روس سیکڑوں ٹینک ہر سال تیار کررہا ہے جن میں بہت سے بحر بالٹک کے نیٹو ممالک کے خلاف 2029ء میں استعمال ہوسکتے ہیں۔
جنرل کارسٹن بریور نے امکان ظاہر کیا ہے کہ نیٹو اتحاد ہنگری اور سلواکیا کے اختلافات کے باوجود اکٹھا ہے روس 152 ملی میٹر توپ کے لاکھوں گولے 2024ء میں تیار کر چکا ہے، یقیناً وہ سب یوکرین کے لیے تو نہیں ہیں نیٹو کے روس سے خطرے کی نوعیت سنجیدہ ہے، جو آج سے 40 سال پہلے نہ تھی۔ روس ہر سال 1 ہزار 500 ٹینک تیار کر رہا ہے، اب ہر ٹینک یوکرین جنگ کا حصہ تو نہیں بن سکتا۔
پاکستان کو ایک مستحکم عالمی معیشت بنانے کیلئے پر عزم ہیں،وزیراعظم
واضح رہے کہ گزشتہ روز یوکرین نے روس پر اب تک کا سب سے بڑا فضائی حملہ کیا ہے جس میں دشمن کے درجنوں طیارے تباہ کرنے کے دعوے کیے گئے ہیں یوکرینی حکام کے مطابق روس کے مختلف فضائی اڈوں پر ڈرونز اور میزائلوں کے ذریعے بڑا حملہ کیا گیا جس میں 40 طیارے تباہ ہوئے ہیں۔
روسی حکام کا کہنا ہے کہ پیر کو استنبول میں شروع ہونے والے یوکرین کے ساتھ امن مذاکرات سے قبل ہونے والے ایک بڑے آپریشن میں متعدد فوجی ایئربیسز ڈرون حملوں کی زد میں آ گئے ہیں روسی وزارت دفاع نے کہا کہ یوکرین نے اتوار کے روز پانچ خطوں میں روسی فوجی ہوائی اڈوں کو نشانہ بنانے کے لیے ڈرون حملے کیے جس کے نتیجے میں کئی طیاروں میں آگ لگ گئی۔
190 ملین پاؤنڈ کیس : نیب نے لیگل ٹیم تشکیل دے دی
یہ حملے مرمانسک، ارکتسک، ایوانوو، ریازان اور امور کے علاقوں میں ہوئے وزارت نے کہا کہ فضائی دفاع نے دو علاقوں مرمانسک اور ارکتسک کے علاوہ تمام حملوں کو پسپا کر دیا ”مرمانسک اور ارکتسک کے علاقوں میں، ہوائی اڈوں کے قریب واقع علاقے سے FPV ڈرونز کی لانچنگ کے نتیجے میں کئی طیاروں میں آگ لگ گئی، آگ پر قابو پالیا گیا اور کوئی جانی نقصان نہیں ہوا۔
