وزیراعظم شہباز شریف نے کہا ہے کہ ضلع کرم میں حالات بتدریج معمول پر آرہے ہیں اور امن معاہدے کے بعد مورچوں کی مسماری اور خوراک و ادویات کی فراہمی کا عمل جاری ہے۔ ان کا کہنا تھا کہ امید ہے کہ تمام اسٹیک ہولڈرز مل کر کرم میں قیام امن کو یقینی بنائیں گے۔
وفاقی کابینہ کے اجلاس میں خطاب کرتے ہوئے وزیراعظم نے تعلیمی شعبے میں صوبوں کے کردار کو اہم قرار دیا اور کہا کہ وفاق کو صوبوں کے ساتھ مل کر تعلیمی چیلنجز سے نمٹنا چاہیے۔ انہوں نے کہا کہ تعلیم کا شعبہ ملک کی ترقی کے لیے اہم ہے اور تمام متعلقہ اداروں کو اس حوالے سے مشترکہ حکمت عملی اپنانی چاہیے۔وزیراعظم نے پاکستان انٹرنیشنل ایئرلائنز (پی آئی اے) کی یورپ کے لیے پروازوں کے آغاز کو ایک بڑی کامیابی قرار دیتے ہوئے کہا کہ گزشتہ حکومت کے ایک وزیر کی تقریر کے تباہ کن نتائج سامنے آئے تھے، لیکن خوشی کی بات یہ ہے کہ جو پروازیں بند کی گئی تھیں وہ اب دوبارہ شروع ہو چکی ہیں اور امید ہے کہ بہت جلد لندن کے لیے بھی پروازیں بحال ہوں گی۔
شہباز شریف نے کہا کہ فتنہ الخوارج کے خلاف وفاقی حکومت دن رات کارروائیاں کر رہی ہے اور انہیں یقین ہے کہ ان کارروائیوں کے نتیجے میں اس فتنہ کو مکمل طور پر ختم کر دیا جائے گا۔
کیری انڈر وُڈ کو ٹرمپ کی حلف برداری کی تقریب میں پرفارم کرنے کی دعوت
ریٹائرمنٹ کا فیصلہ فرنچائزز اور دنیا کی خودغرضی کی وجہ سے کیا، احسان اللہ خان
