وفاقی کابینہ اجلاس میں وزیراعظم عمران خان نے کیا برہمی کا اظہار، کس بات پر؟
باغی ٹی وی کی رپورٹ کے مطابق وزیراعظم عمران خان کی زیر صدارت وفاقی کابینہ کا اجلاس ختم ہو گیا
وفاقی کابینہ نے کورونا ریلیف پیکج کی منظوری دے دی،وزیراعظم مختلف شہروں میں آٹے کی قلت کی شکایات پر برہم ہو گئے،وزیراعظم عمران خان نے استفسار کیا کہ جب آٹا وافر مقدار میں موجود ہے تو کون قلت پیدا کر رہا ہے؟وزیراعظم عمران خان نے وزیرفوڈ سیکیورٹی کو فوری ایکشن کی ہدایت کرتے ہوئے کہا کہ اشیائے خورونوش کی قیمتوں میں اضافہ ناقابل قبول ہے،صوبے بھی ایکشن لیں،ذخیرہ اندوزی ہو رہی ہے تو ایسے افراد کو بغیررعایت سزائیں دیں
کابینہ اجلاس میں وفاقی وزرا نے حکومتی اقدامات کی بہتر تشہیر نہ ہونے پر اظہار تشویش کیا ،وزراء کا کہنا تھا کہ وزیراعظم کے بر وقت اور درست اقدامات کو نمایاں انداز میں پیش نہیں کیا جا سکا،وفاقی وزیرمرادسعیداورفیصل واوڈا نے بھی معاملہ کابینہ کے سامنے اٹھا دیا،
اجلاس کے دوران ایکسپورٹرز کا مال روکے جانے کے معاملے پر بھی بحث ہوئی،وفاقی وزیر فیصل واوڈا کا کہنا تھا کہ رائس ایکسپورٹرز کا 2 بلین ڈالر کا مال خراب ہو رہا ہے،ایکسپورٹرز کے لئے گزشتہ ہفتے ایس آر او جاری کرنے کی ہدایت کی تھی،وزیراعظم کی ہدایات کے باجود تا حال عمل درآمد نہیں ہوا،
وزیراعظم عمران خان نے ایکسپورٹرز کا مال روکے جانے کی اطلاعات کا نوٹس لیا ،وزیراعظم عمران خان کا کہنا تھا کہ گڈزٹرانسپورٹ سمیت ایکسپورٹرز کا مال نہیں روکا جانا چاہئے،متعلقہ وزرات اور اعلیٰ حکام معاملے کو فوری دیکھیں،کابینہ ارکان نے کہا کہ ٹرک اڈوں پر ٹرانسپورٹرز کے ہوٹل بند ہیں، ڈرائیورز کچھ کھا ،پی نہیں سکتے،کابینہ اجلاس میں ٹرانسپورٹرز کے لئے مخصوص ہوٹلز کھولے جانے کی تجویز دی گئی.
