موسم سرما میں گھریلو صارفین کو گیس دیں گے:وزیراعظم

وزیر اعظم شہباز شریف نے آج ملک میں گیس سپلائی کے حوالے سے ایک اہم اجلاس کی صدارت کی۔ وزیر اعظم نے موسم سرما میں گیس کی بلا تعطل فراہمی کو یقینی بنانے کی ہدایت کی۔ وزیراعظم نے گھریلو صارفین کو خصوصاً ضرورت کے مطابق گیس کی فراہمی کی ہدایت کی۔

مزید براں وزیراعظم نے ٹیکسٹائل ملز کو گیس سپلائی کے حوالے سے درپیش مسائل کے حل کے لئے ایک کمیٹی بنانے کی ہدایت کی تاکہ ٹیکسٹائل ملز کو بروقت گیس فراہم کر کے پیداواری صلاحیت میں اضافہ کیا جائے۔ کمیٹی میں سوئی ناردرن گیس پائپ لائنز لمیٹڈ اور سوئی سدرن گیس کمپنی کے نمائندگان شامل ہونگے۔

بھارت میں درگا پوجا کے دوران یاتری سیلابی ریلے میں بہہ گئے

اجلاس میں بجلی کی لوڈ شیڈنگ کے دورانیے کو موجودہ سطح پر برقرار رکھنے کا فیصلہ کیا گیا۔علاوہ ازیں وزیراعظم نے جنوری کے مہینے کی ضروریات پوری کرنے کے لیے کھاد کی مزید درامد کی ہدایت بھی جاری کی۔ اجلاس میں وزیر خزانہ اسحاق ڈار ، وزیر مملکت پٹرولیم مصدق ملک ،مشیر وزیراعظم احد چیمہ اور متعلقہ سرکاری افسران شریک ہوئے۔

دوسری طرف وزیراعظم شہباز شریف کا کہنا ہے کہ چیئرمین پاکستان تحریک انصاف اور سابق وزیراعظم عمران خان کی تباہ کردہ معیشت پٹری پر واپس آرہی ہے، ڈالر 219.92 روپے کا ہوگیا۔

سپریم کورٹ میں ججز کی تعیناتی:2 جج صاحبان کا چیف جسٹس کو خط

سماجی رابطے کی ویب سائٹ ٹویٹر پر اپنے ایک پیغام میں وزیراعظم شہباز شریف نے لکھا کہ پاکستانی روپے کا ڈالر کے مقابلے میں بہترین کارکردگی دکھانے والی عالمی کرنسی بننا اللہ تعالیٰ کا کرم ہے۔

روس سے 2500 مربع کلومیٹر کا علاقہ واپس چھین لیا ہے یوکرینی صدر

شہباز شریف نے مزید کہا کہ ایک ہفتے میں روپے کی قدر میں 3.9 فیصد اضافہ ہوا، ہفتے کے اختتام پر ڈالر 219.92 ہوگیا ہے، وزیر خزانہ اسحاق ڈار کی محنت رنگ لارہی ہے۔وزیراعظم نے پی ٹی آئی چیئرمین پر تنقید کرتے ہوئے ان کا کہنا تھا کہ عمران خان کی تباہ کردہ معیشت واپس پٹری پر آرہی ہے۔