ٹرائی نیشن ٹی ٹوئنٹی سیریز کے فائنل میں پاکستان نے شاندار کارکردگی کا مظاہرہ کرتے ہوئے سری لنکا کو آسانی سے 6 وکٹوں سے مات دے کر ٹائٹل اپنے نام کر لیا۔
راولپنڈی کرکٹ اسٹیڈیم میں کھیلے گئے فیصلہ کن مقابلے میں سری لنکا کے 115 رنز کے ہدف کو گرین شرٹس نے 4 وکٹوں کے نقصان پر حاصل کر لیا۔ کپتان بابر اعظم نے ذمہ دارانہ بیٹنگ کا مظاہرہ کرتے ہوئے 34 گیندوں پر 37 رنز کی ناقابلِ شکست اننگز کھیلی.پاکستان کی بیٹنگ لائن میں صائم ایوب 36 رنز بنا کر نمایاں رہے، جبکہ صاحب زادہ فرحان نے 23 اور کپتان سلمان علی آغا نے 14 رنز جوڑے۔ فخر زمان صرف 3 رنز بنا سکے۔سری لنکا کی جانب سے پاون رتھنایک نے 2 وکٹیں حاصل کیں جبکہ وانندو ہاسارنگا اور ایشان مالینگا کے حصے میں ایک، ایک وکٹ آئی۔
اس سے قبل سری لنکن ٹیم پاکستانی بولرز کے سامنے کمزور ثابت ہوئی اور پوری ٹیم 20 اوورز بھی نہ کھیل سکی۔ لنکن بیٹرز 114 رنز پر ڈھیر ہوگئے۔ 20 کے اسکور پر پہلی وکٹ کھونے کے بعد کامل مشارا اور کوسال مینڈس نے 47 گیندوں پر 64 رنز کی شراکت قائم کی، تاہم 84 کے مجموعے پر مینڈس کے آؤٹ ہوتے ہی بیٹنگ لائن بکھر گئی۔
پاکستان کی جانب سے شاہین شاہ آفریدی اور محمد نواز نے شاندار باؤلنگ کرتے ہوئے 3،3 وکٹیں حاصل کیں، ابرار احمد نے 2 کھلاڑیوں کو آؤٹ کیا جبکہ صائم ایوب اور سلمان مرزا نے ایک، ایک وکٹ حاصل کی
سری لنکا میں تباہ کن سیلاب،153ہلاکتیں، ایمرجنسی نافذ
ایف بی آر کا معروف اسپتال پر ٹیکس چوری کا الزام
آئی پی ایل خیر باد، اب پی ایس ایل،سابق کپتان کا بڑا اعلان
