اوچ شریف(نامہ نگارحبیب خان) اوچ شریف کے نواحی علاقے رسول واہ میں ایک افسوسناک حادثے میں 40 سالہ مزدور کنکریٹ کی سیڑھی گرنے سے جان کی بازی ہار گیا۔
تفصیلات کے مطابق مزدور موضع مامون آباد میں کنکریٹ کی سیڑھیاں توڑنے کا کام کر رہا تھا کہ اچانک ایک بڑی سیڑھی اس پر گر گئی۔ سیڑھی کا وزن اتنا زیادہ تھا کہ وہ موقع پر ہی دم توڑ گیا۔
ریسکیو 1122 کے اہلکاروں نے فوری طور پر جائے حادثہ پر پہنچ کر لاش کو تحویل میں لیا اور قانونی کارروائی کے لیے تحصیل احمدپور ایسٹ کے تھانے کے حوالے کر دیا۔ ریسکیو عملے کے مطابق، حادثہ اس قدر شدید تھا کہ مزدور کو بچانا ممکن نہ تھا۔
جاں بحق ہونے والے مزدور کی شناخت لطیف ولد کریم بخش، رہائشی موضع کندی پیرا تحصیل احمدپورشرقیہ کے نام سے ہوئی ہے۔
