ورلڈ کپ شائقین اور صحافیوں کے ویزے ابھی تک جاری نہ ہو سکے

پاکستانی شائقین اور صحافیوں بھارت جا کر ورلڈ کپ 2023 کے میچز دیکھنے کے منتظر ہیں تاہم ابھی تک پڑوسی ملک کی جانب سے ویزے جاری نہیں کیے گئے۔ ذرائع کے مطابق پاکستان کرکٹ بورڈ (پی سی بی) نے اس معاملے پر آئی سی سی کو ای میل کر  دیا  جس میں بھارت کی ویزا پالیسی پر ایکشن لینے کا مطالبہ کیا گیا ہے۔ پی سی بی سے منسلک ذرائع نے بتایا کہ ویزا پالیسی سے متعلق تاحال آگاہ نہ کرنا تشویشناک ہے، آئی سی سی اور دیگر حکام جلد معاملہ حل کر لیں گے، پاکستانی شائقین اور صحافیوں میں بے چینی بڑھ رہی ہے۔بھارت میں منعقد ہونے والے ورلڈ کپ 2023 کے حوالے سے پاکستانی شائقین کا جوش و خروش عروج پر ہے اور بہت سے مداح پڑوسی ملک کے اسٹیڈیم میں بیٹھ کر میچ دیکھنے کے خواہشمند ہیں۔کچھ روز قبل نگراں وزیر خارجہ جلیل عباسی جیلانی نے ایک پریس کانفرنس کے دوران کہا تھا کہ شائقین کرکٹ کو ورلڈ کپ کیلیے ویزے جاری نہ ہونے پر آئی سی سی سے بات کریں گے۔