نئی دہلی: بھارتی کرکٹ بورڈ کے نائب صدر کا کہنا ہے کہ آئی سی سی ورلڈکپ کے شیڈول میں مزید تبدیلی کرنا ممکن نہیں ہے-

باغی ٹی وی: بھارتی کرکٹ بورڈ کےنائب صدر راجیو شکلا نے حیدر آباد کرکٹ ایسوسی ایشن کے ورلڈکپ میچز کے سکیورٹی پر تحفظات پر کہا کہ آئی سی سی ورلڈکپ کے شیڈول میں مزید تبدیلی کرناممکن نہیں ہے،حیدرآباد وینیو کا انچارج میں ہوں، اگر کوئی مسئلہ ہے تو اسے حل کرنے کی کوشش کروں گا ورلڈکپ شیڈول تبدیل کرنا کوئی آسان کام نہیں، ایسا نہیں ہو سکتا، صرف بی سی سی آئی شیڈول تبدیل نہیں کر سکتا، آئی سی سی اور باقی ٹیموں سمیت تمام اسٹیک ہولڈرز اس میں ملوث ہوتے ہیں۔

ورلڈ کپ 2023 کا شیڈول آئی سی سی اور بھارتی کرکٹ بورڈ کے لیے درد سر بن گیا

بھارتی میڈیا کے مطابق حیدر آباد پولیس نے حیدرآباد کرکٹ ایسوسی ایشن کو یکے بعد دیگرے دو میچز کے حوالے سے تحفظات کا اظہار کیا تھا، حیدر آباد میں 9 اکتوبر کو نیوزی لینڈ بمقابلہ نیدرلینڈز اور 10 اکتوبر کو پاکستان سری لنکا کا میچ شیڈول ہےمیڈیا رپورٹس کے مطابق حیدر آباد کرکٹ ایسوسی ایشن نے اپنے تحفظات سے بی سی سی آئی کو آگاہ کیا تھا جس کے ورلڈکپ کے شیڈول میں ایک بار پھر تبدیلی کا امکان ہے-

حیدرآباد کرکٹ ایسوسی ایشن (ایچ سی اے) نے بورڈ فار کرکٹ کنٹرول ان انڈیا (بی سی سی آئی) کو مطلع کیا ہے کہ انہیں مسلسل دنوں میں ورلڈ کپ کے میچوں کی میزبانی کرنا مشکل ہو سکتا ہے۔ حیدرآباد کا راجیو گاندھی اسٹیڈیم 9 اکتوبر کو نیوزی لینڈ اور ہالینڈ کے درمیان میچ کی میزبانی کرے گا اور اس کے اگلے ہی دن اسی مقام پر سری لنکا کا مقابلہ پاکستان سے ہوگا۔

ایشیا کپ،کمنٹری پینل کا اعلان،رمیز راجہ رہ گئے

حیدرآباد پولیس نے دونوں کھیلوں کے درمیان کوئی فرق نہ ہونے کے حوالے سے سیکیورٹی خدشات کا اظہار کیا ہے اور پاکستان اور سری لنکا کے درمیان میچ حکام کے لیے خصوصی تشویش کا باعث ہے۔

ابتدائی طور پر یہ میچ 12 اکتوبر کو ہونا تھا لیکن احمد آباد کے نریندر مودی اسٹیڈیم میں ہونے والے ہندوستان اور پاکستان کے درمیان 14 اکتوبر کو ہونے والے میچ کو دوبارہ شیڈول کرنے کے بعد، اس کھیل کو آگے لایا گیا تاکہ پاکستان کو میچوں کے درمیان آرام کے لیے مناسب وقت فراہم کیا جا سکے۔

ورلڈ کپ کی ٹرافی تاج محل کے سامنے رونما