نئی دہلی نے پاکستان کے ساتھ مئی میں پیدا ہونے والی کشیدگی کے بعد روسی ساختہ ایس-400 فضائی دفاعی نظام کے لیے میزائلوں کی نئی کھیپ خریدنے کی تیاری شروع کر دی ہے۔
ہندوستان ٹائمز کے مطابق بھارتی وزارتِ دفاع 300 میزائلوں کی خریداری کے لیے روسی کمپنی ’روسوبورون ایکسپورٹ‘ کو تقریباً 1.2 ارب ڈالر مالیت کی ’ریکویسٹ فار پروپوزل‘ بھیجنے والی ہے۔رپورٹ میں بتایا گیا ہے کہ منصوبے کی منظوری وزیرِ دفاع راجناتھ سنگھ پہلے ہی دے چکے ہیں، جبکہ دو اعلیٰ سرکاری کمیٹیوں سے حتمی منظوری ملنے کے بعد یہ خریداری مارچ 2026 تک مکمل ہو سکتی ہے۔
اخبار کے مطابق نئی دہلی روس سے ’پانٹسر‘ شارٹ اور میڈیم رینج ایئر ڈیفنس سسٹم خریدنے پر بھی غور کر رہا ہے، جسے ایس-400 کے ساتھ ملا کر ڈرونز، میزائلوں، راکٹوں اور فضائی حملوں کے خلاف تہہ دار دفاعی نظام تشکیل دیا جا سکے گا۔واضح رہے کہ روسی صدر ولادیمیر پیوٹن کے آئندہ ماہ نئی دہلی میں ہونے والے سالانہ سربراہی اجلاس میں دفاعی تعاون دونوں ممالک کے درمیان اہم ایجنڈا ہوگا
سری لنکا ،طوفان سے متاثرہ علاقوں میں پاک بحریہ کی امدادی کارروائیاں
نئی ٹیموں کی نیلامی، پی سی بی کا نیا بڈنگ طریقہ کار متعارف
فن لینڈ کا پاکستان میں سفارت خانہ 2026 میں بند کرنے کا اعلان
