لندن:پاکستان میں سیلاب سے بدترین تباہی، برطانوی رکن پارلیمنٹ دنیا پر برس پڑیں،برطانیہ کی رکن پارلیمنٹ کلاڈیا ویب نے پاکستان میں سیلاب سے بدترین تباہی کا ذمے دار دنیا کے ترقی یافتہ ممالک کو قرار دیتے ہوئے کہا ہے کہ پاکستان ہمارے لالچ کی قیمت چکا رہا ہے۔
برطانیہ کی رکن پارلیمنٹ کلاڈیا ویب نے سماجی رابطوں کی ویب سائٹ ٹوئٹر پر اپنے ایک ٹوئٹ میں جاری بیان میں کہا ہے کہ پاکستان گرین ہاؤس عالمی اخراج کے صرف ایک فیصدحصے کا ذمہ دارہے مگر ماحولیاتی تبدیلیوں میں پاکستان سرفہرست 10 ممالک میں شامل ہے۔
رکن پارلیمنٹ نےعالمی برادری کا ضمیر جھنجوڑتے ہوئے کہ پاکستان ہماری لالچ کی قیمت چکانے پر مجبورہے۔انہوں نے اپنے ٹوئٹ میں مزید کہا کہ قطب شمالی کے بعد سب سے زیادہ گلیشیئرز پاکستان میں ہیں جن کی تعداد7 ہزار 253 گلیشئرز ہیں، تمام گلیشیئرز تیزی سے پگھل رہے ہیں۔
Pakistan has 7253 glaciers the most outside of the arctic polar region – they’re all reportedly melting fast.
Pakistan contributes less than 1% of greenhouse global emissions but is among the top 10 countries affected by climate change. Pakistan is paying the price for our greed
— Claudia Webbe (@ClaudiaWebbe) August 28, 2022
واضح رہے کہ پاکستان اس وقت تاریخ کے بدترین سیلاب سے گزر رہا ہے ہزار سے زائد قیمتی جانیں ضائع، کروڑوں لوگ بے گھر ہوچکے ہیں، لاکھوں ایکڑ پر کھڑی فصلیں اور زرعی زمینیں تباہ وبرباد ہوچکی ہیں۔
ادھر انگلینڈ اینڈ ویلز کرکٹ بورڈ (ای سی بی) نے پاکستان میں سیلاب سے متاثرہ افراد کیلئے امداد کی اپیل کردی۔انگلش کرکٹ بورڈ نے سماجی رابطے کی سائٹ ٹوئٹر پیغام میں لکھا کہ ہماری دلی ہمدردیاں سیلاب سے متاثرہ پاکستانی عوام کے ساتھ ہیں۔
برطانوی بورڈ نے سیلاب زدگان کی مدد کیلئے دی سٹیزن فاؤنڈیشن (ٹی سی ایف) کے ساتھ اشتراک کیا ہے۔
