شان پاکستان
تحریر:افروز عنایت
سر زمین پاکستان ہم سب کے لئے رب العزت کی طرف سے۔ ایک بڑی نعمت اور انعام سے کم نہیں ، اس خطہ ارض کو اللہ رب العزت نے بہت سی خوبیوں سے بھی نوازا ہے ، جو ہم سب کے لئے باعث فخر ہیں ، حسین ،دریاوں ، لہلہاتے آبشاروں ،سمندر ، زرخیز سر سبز شاداب لہلہاتے باغات و کھیتوں ، پہاڑوں ،سمندر اور دریاؤں کے جھلملاتے رنگوں نے اس دیس کو ایک منفرد مقام اور حسن عطا کیا ہے ، جس کی نظیر نہیں ملتی ماشاءاللہ۔ نایاب معدنیات اور وسائل سے مالامال یہ پاک سر زمین جسے اسلام کا قلعہ کہا گیا ہے ـ جو دنیا بھر میں ہماری پہچان ہے ، حقیقت میں اللہ رب العزت کی طرف سے عطا کردہ بڑا تحفہ ہے — اور اسلامی ممالک میں بھی اس وطن عزیز کو۔ ایک خاص مقام حاصل ہے ــ
اس ارض پاک کی ایک بڑی خصوصیت یہاں کے محب وطن ،۔ باصلاحیت ، زہین ، بہادر ، غیرت مند ، باشندے بھی ہیں جنہوں نے ہمیشہ اس پاک سر زمین کی شان و ماں بڑھانے کے لئے پر شعبے میں نمایاں کردار ادا کیا اور کامیابیاں حاصل کیں جنہیں ہمیشہ یاد رکھا جائے گا ـــ
عزت دینے والی زات اللہ رب العزت کی ہے وہ جسے چاہے عزت سے نوازے ،جی ہاں ویسے تو میرے رب العزت کا بڑا کرم ہے کہ اسنے ہمیں ایک اسلامی ریاست کا مکین بنایا ہے ہم سب ایک آزاد اور مسلمان ملک میں عزت اور آزادی کی زندگی گزار رہے ہیں ــ اور اس شان کو بڑھانے میں ہماری افواج سر فہرست ہیں ــ
ہماری بہادر افواج جو ہماری اس سر زمین کی سرحدوں کی محافظ ہیں اور دفاع کے لئے دن رات سرحدوں پر پہرہ دینے والی یہ جرآت مند افواج دن رات وطن عزیز کے دشمنوں کے سامنے سیسہ پلائی دیوار کی مانند ڈٹے ہوئے ہیں ــ جب بھی بھارت نے حملہ کر نے کی کوشش کی اسے ہماری جان نثار افواج کی وجہ سے منہ کی کھانی پڑی ،اور الٹے قدموں انہیں بھاگنا پڑا ،ماشاء اللہ جسکی تازہ مثال پچھلے دنوں پوری دنیا دیکھ چکی ہے ـ بھارت سفید جھنڈا لہرانے پر مجبور ہو گیا ـــ سلام افواج پاکستان ـــ
یہی نہیں بلکہ ہر میدان میں چاہے وہ کھیل کا میدان ہو یا ملک کی ترقی اور بھلائی کے لئے کوئی ادارہ ہو ، یا تعلیمی میدان۔ ہر جگہ وطن عزیز کے باصلاحیت جوانوں نے اپنی کامیابی کے سکے جمائے ہیں ـ اور ملک کا نام روشن کیا ہے ـ
ایک اہم اعزاز جو ہماری اس ارض پاک کو حاصل ہے وہ ہے ایٹمی قوت کا حاصل ہونا ، ماشاءاللہ
جی ہاں 28 مئی 1998 کا وہ حسین اور یادگار دن تھا جب تاریخ کے صفحات پر سنہری الفاظ میں لکھا گیا کہ آج پاکستان دنیا کی ساتویں ایٹمی طاقت بن گیا ہے ،پاکستان کو اللہ رب العزت کی طرف سے یہ اعزاز بھی حاصل ہوا کہ وہ عالم اسلام کا پہلا ایٹمی طاقت حاصل کرنے والا مسلمان ملک ہے ، ماشاءاللہ ،
ہمارے ملک کے قابل قدر عظیم سائنسدان ڈاکٹر عبدا لقد یر خان اور انکے ساتھیوں کی چھ سات سال کی انتھک محنت اور جدوجہد کے بعد ہم اس اعزاز سے سرفراز ہوئے ،شکر الحمد اللہ
یہ اعزاز حاصل کرنا کوئی معمولی یا آسان کام نہیں تھا بلکہ یہ ایک جدوجہد کی داستان ہے اس اعزاز کو حاصل کرنے میں راہ میں رکاوٹیں بھی آئیں ہونگی سخت محنت اور لگن اور جدوجہد کا میدان تھا لیکں سلام فرزند پاکستان کو اور انکے رفقاء کو ، جنہوں نے ہمت نہیں ہاری ، جس کی وجہ سے ہم آج ایٹمی طاقت والے آزاد ملک کے محب وطن پاکستانی ہونے کے اہل ہیں یہ اعزاز پاکستان کی شان اور ہم سب کے لئے باعث عزت ہے باعث فخر اعزاز ہے
یہ ایک ایسا اعزاز ہے جس نے تمام دنیا میں پاکستان کا نام روشن کیا ،اور اسی قوت و طاقت کی وجہ دشمن۔ پاکستان کی طرف آنکھ اٹھا کر دیکھنے سے بھی ڈرتا ہے ، صرف دھوکے سے اور چھپ چھپ کر رات کی تاریکی میں حملہ کرکے پیچھے ہٹ جاتا ہے اور سفید پرچم لہرانے لگتا ہے جسکی مثال پچھلے دنوں مکار بھارت دکھا چکا ہے ـ
سلام محسن پاکستان ڈاکٹر عبدا لقد یر خان ،اپ پر پوری قوم کو فخر ہے آپ اس اسلامی ریاست کی شان ہیں ، آج آپ دنیا میں نہیں لیکن آپ کی وجہ سے پاکستان کو حاصل ہونے والا یہ اعزاز آپکو ہمیشہ ہمارے دلوں میں نہ صرف زندہ رکھے گا بلکہ ہم سب ہمیشہ آپکے لئے دعا گو رہیں گے آمین ثم آمین
ہر محب وطن پاکستانی کو یہ وطن عزیز اور اسکی شان اور اسکی سلامتی عزیز ہے ، اس وطن کی عزت و ناموس اور شان کے لئے ہم سب کی آپس میں یکجہتی ،اتفاق ، ایمانداری ،محنت بے حد ضروری امر ہے ،ہماری یہ خوبیاں اور ہماری صلاحیتیں اس وطن وطن عزیز کی بقا و سلامتی کے لیے ہی ہیں ، ہر وہ کام جو وطن عزیز کی عزت اور شان کو مجروح کرے اس سے پرہیز کرنا پوری قوم کی عزت کا باعث ہے۔ یہی تعلیم اور نصیحت نئی نسل کے لئے بھی ہے جنہیں رب العزت نے بے شمار صلاحیتوں سے نوازا ہے جنہیں وہ وطن عزیز کی ترقی ،سلامتی ،تحفظ کے لئے بروئے کار لاکر اس ارض کا نام اور شان مزید روشن کرسکتے ہیں کیونکہ یہ ہی آج کے نونہال اس ارض پاک کا مستقبل اور وارث ہیں۔ جس طرح گھر کے تمام افراد گھر کی سلامتی ،عزت ، تحفظ کے زمہ دار ہوتے ہیں اسی طرح اس ارض پاک کا ہر فرد اسکا رکھوالا اور محافظ ہے یہ وطن جو ہمارا مسکن ہم سب کی شان اور دنیا میں ہماری پہچان ہے ،سدا قائم و دائم رہے ـــ
سدا یوں ہی جگمگاتا رہے یہ ارض پاک
کبھی نہ کوئی آنچ آئے اس چمن پاک پر
آمین ثم آمین یا رب العالمین
