ایشیا کا طاقتور طوفان ’یاگی‘ ویت نام سے ٹکرا گیا

ویتنام: طوفان ’یاگی‘ چین کے بعد ویت نام سے ٹکرا گیا جس میں مختلف حادثات میں 4 افراد ہلاک ہوئے ہیں،”یاگی”طوفان ایشیا میں رواں سال کا سب سے طاقتور طوفان ہے-

باغی ٹی وی : عالمی میڈیا کے مطابق ویت نام کے شمالی علاقوں میں طوفانی ہواؤں سے گھروں کی چھتیں اُڑ گئیں، طوفان کی زد میں آکر 12 لاپتہ اور 78 زخمی ہوگئے،انڈو پیسیفک ٹراپیکل سائیکلون وارننگ سینٹر نے بتایا کہ طوفان ہفتے کی صبح 203 کلومیٹر فی گھنٹہ (126 میل فی گھنٹہ) کی رفتار سے چلنے والی ہواؤں کے ساتھ ہائی فونگ اور کوانگ نینہ صوبوں سے ٹکرایا۔

سرکاری میڈیا کا کہنا ہے کہ دارالحکومت ہنوئی میں تیز ہواؤں اور اڑنے والے ملبے کی وجہ سے عمارتوں اور گاڑیوں کو نقصان پہنچا ہے جبکہ درخت گرنے سے بجلی کی فراہمی معطل ہوگئی ہےہفتے کے روز شمالی صوبہ کوانگ ننہ میں تین افراد ہلاک ہوئے جبکہ ہنوئی کے قریب ہائی دونگ میں ایک شخص ہلاک ہوا، اس علاقے میں 78 افراد کے زخمی ہونے کا خدشہ ہے جبکہ ایک درجن ماہی گیر سمندر میں لاپتہ ہیں۔

پی ٹی آئی کے جلسہ گاہ کے قریب بیگ سے بم اور ہینڈ گرنیڈ …

ہائی فونگ شہر میں دھاتی چھتوں کی چادریں اور تجارتی سائن بورڈ اڑتے ہوئے دیکھے گئے ویتنام کے ساحلی قصبوں سے تقریبا 50 ہزار افراد کو محفوظ مقامات پر منتقل کر دیا گیا ہے اور حکام نے شہریوں گھروں کے اندر رہنے کی وارننگ جاری کی ہے،ہنوئی سمیت 12 شمالی صوبوں میں اسکول بند کر دیے گئے ہیں۔

اس سے قبل طوفان یاگی چین کے صوبے ہینان سے ٹکرایا تھا طوفان کے باعث بجلی گرنے، شدید بارش اور 145 میل فی گھنٹہ رفتار کی ہواؤں سے درخت جڑ سے اکھڑ گئے تھے جس سے 2 افراد ہلاک اور 92 زخمی ہوئے تھے،طوفانی ہواؤں کی وجہ سے 8 لاکھ افراد کو بجلی کی فراہمی منقطع ہوگئی-

سڑک پر خاتون سے زیادتی،مدد کی بجائے ویڈیو بنانے والا بھی گرفتار