تہران: یحییٰ سنوار کی شہادت پر جاری بیان میں ایران کے سپریم لیڈر آیت اللہ علی خامنہ ای نے کہا ہے کہ قائدین کی شہادت کے بعد بھی مزاحمت کا سفر جاری رہے گا۔

باغی ٹی وی : اپنے ایک بیان میں علی خامنہ ای نے کہا کہ یحی سنوار نے 7 اکتوبر 2023 کو دشمن کو ناقابل تلافی نقصان پہنچایا، وہ اسرائیل کے خلاف مزاحمت کی نمایاں علامت تھے یحییٰ سنوار کی شہادت سے ‘مزاحمت کا محور’ ختم نہیں ہوگا، قائدین کی شہادت کے بعد بھی مزاحمت کا یہ سفر جاری رہے گا، اگرچہ یحیی سنوار کی شہادت بلاشبہ حماس و مزاحمتی محاذ کیلئے بڑا دھچکا اور تکلیف دہ ہے مگر اہم شخصیات کھونے سے یہ محاذ آگے بڑھنے سے نہیں رکے گا، حماس زندہ ہے اور زندہ رہے گی، ہم ہمیشہ مزاحمت کاروں کے ساتھ رہیں گے۔

واضح رہے کہ یحیی سنوار 7 اکتوبر 2023 کو اسرائیل پر زبردست حملے کے منصوبہ ساز تھے، اس سال جولائی میں ایران میں اسماعیل ہنیہ کی شہادت کے بعد اگست میں یحیی السنوار کو حماس کا نیا سربراہ مقرر کیا گیا تھا۔

یحییٰ سنوار کی موت کیسے ہوئی؟ پوسٹ مارٹم رپورٹ کی تفصیلات

یاد رہے کہ حماس کے نئے سربراہ یحییٰ سنوار کو اسرائیلی فوج نے شہید کر دیا ہے،حماس نے نئے سربراہ یحییٰ سنوار کی موت کی تصدیق کی تھی ، حماس کے سابق شہید سربراہ اسماعیل ہنیہ کے بیٹے نے یحییٰ سنوار کی شہادت کی تصدیق کی ، خبر رساں ادارے کے مطابق یحییٰ سنوار کی موت رفح علاقہ میں اسرائیلی بمباری سے ہوئی، اسرائیلی حکام کو بمباری کے بعد لاش ملی جس کی شکل یحییٰ سنوار سے ملتی تھی، لاش کا ڈی این اے ٹیسٹ کروایا گیا جو مثبت آیا،اسرائیلی حکام نے مزید تصدیق کے لئے ڈی این اے ٹیسٹ کو یورپی ملک کو بھیج دیا-

یحییٰ سنوار کی شہادت ،آخری لمحات کی ویڈیو،غزہ کے باسیوں کے جذبے

قبل ازیں اسرائیلی فوج نے دعویٰ کیا کہ ایک حملے میں حماس کے نئے سربراہ یحییٰ سنوار کو شہید کر دیا ہے،اسرائیلی فوج اس ضمن میں یحییٰ سنوار کی موت کی تحقیقات کر رہی ہے،امکان ہے کہ یحییٰ سنوار اسرائیلی بمباری کے دوران جیالیا کیمپ میں مارے گئے ہیں،اسرائیلی میڈیا نے ایک لاش کی تصویر بھی شیئر کی ہےجس بارے کہا گیا ہے کہ یہ لاش یحییٰ سنوار کی ہے-

یحییٰ سنوار کی شہادت اسرائیل کے لیے تباہی کا پیغام ثابت ہوگی،حماس

یحییٰ سنوار کی موت پر وہی احساسات جو اسامہ بن لادن کی موت پر تھے،جوبائیڈن

اذکار کے کتابچے،تسبیح، گھڑی،اسلحہ،شہید یحییٰ سنوار کا کل سامان

حماس کے نئے سربراہ یحییٰ سنوار شہید،حماس کی تصدیق

اسماعیل ہنیہ پر حملہ،ایران میں تحقیقات کے دوران گرفتاریاں

حافظ نعیم الرحمان کی اسماعیل ہنیہ کے بیٹوں سے ملاقات، تعزیت کا اظہار