یہ بنانا ریپبلک نہیں جمہوری ملک ڈپٹی کمشنر کیسے بغیر نوٹس کے اخبار کا ڈیکلیریشن منسوخ کر سکتا ہے۔عدالت

باغی ٹی وی کی رپورٹ کے مطابق اسلام آباد ہائی کورٹ نے روزنامہ ایف آئی آر کا ڈیکلیریشن بحال کر دیا

ہائی کورٹ نے ڈپٹی کمشنر اسلام آباد کا بغیر نوٹس ڈیکلیریشن کینسل کرنے کے شاہی احکامات معطل کر دیے

جسٹس غلام اعظم قمبرانی نے دوران سماعت ریمارکس دیتے ہوئے کہا کہ یہ بنانا ریپبلک نہیں جمہوری ملک ہے ڈپٹی کمشنر کیسے بغیر کسی نوٹس کے اخبار کا ڈیکلیریشن منسوخ کر سکتا ہے۔انتہائی اہم نوعیت کا کیس ہے سیکرٹری انفارمیشن،پریس رجسٹرار اور ڈپٹی کمشنر اسلام آباد سے غیر قانونی طریقہ سے ڈیکلیریشن کینسل کرنے پر جواب طلب کریں گے۔

عدالت نے ریمارکس دیتے ہوئے کہا کہ ایسا کیسے ممکن ہے کہ ڈپٹی کمشنر اپنے خلاف خبروں کی اشاعت پر اخبار کا ڈیکلیریشن منسوخ کر دیں۔اس لاقانونیت پر متعلقہ افسران کو جواب دینا ہو گا۔جسٹس غلام اعظم قمبرانی کے ریمارکس

عدالت نے روزنامہ ایف آئی آر کا ڈیکلیریشن منسوخی کے احکامات فوری طور پر معطل کر دیے گئے ہیں