پاکستانی ہائی کمیشن نئی دہلی میں یوم پاکستان کی پُر وقار تقریب

نئی دہلی: بھارتی دارالحکومت نئی دہلی میں پاکستانی ہائی کمیشن میں یوم پاکستان کے سلسلے میں پروقار تقریب کا انعقاد کیا گیا۔

پاکستانی ہائی کمیشن نئی دہلی کے مطابق پاکستان کا قومی دن آج نئی دہلی میں پاکستانی ہائی کمیشن میں حب الوطنی کے جوش و جذبے کے ساتھ منایا گیا، پاکستان چانسلری میں بھارت میں پاکستانی ناظم الامور سعد احمد وڑائچ نے پرچم کشائی کی،تقریب میں پاکستانی ناظم الامور سعد احمد وڑائچ نے خطاب کیا، سعد احمد وڑائچ نے قائداعظم کی ولولہ انگیز قیادت کو سراہا۔
https://x.com/PakinIndia/status/1771439464449282448?s=20
پاکستانی ناظم الامور کا کہنا تھا کہ مساوات اور باہمی احترام پر مبنی پرامن بقائے باہمی پاکستان کی خارجہ پالیسی کے رہنما اصول ہیں، یہ اصول بھارت کے ساتھ پرامن تعلقات کی پاکستان کی خواہش کو بھی تقویت دیتے ہیں۔
https://x.com/PakinIndia/status/1771440640506859682?s=20
https://x.com/PakinIndia/status/1771440870681870430?s=20