ممتاز حیدر
پاکستانی پرچم اٹھائے ہزاروں افراد کی شرکت،پاک فوج زندہ باد کے نعرے
معرکہ بنیان مرصوص ہماری قومی یکجہتی کی علامت ہے،خالد مسعود سندھو،قاری یعقوب شیخ
پاکستان مرکزی مسلم لیگ کے زیر اہتمام یوم تشکر کے موقع پر لاہور سمیت متعدد شہروں میں یوم تشکر مارچ، ریلیوں کا انعقاد کیا گیا،ملک بھر کی مساجد میں افواج پاکستان، شہدا پاکستان کو خراج تحسین پیش کیا گیا، یوم تشکر مارچ، ریلیوں میں ہزاروں افراد نے پاکستانی پرچم اٹھائے شرکت کی اور بھارت کو منہ توڑ جواب دینے پر افواج پاکستان کو خراج تحسین پیش کیا گیا،اس موقع پر شرکا نے بھارت کے خلاف اور پاکستان کےحق میں نعرے لگائے، لاہور میں بڑا پروگرام پاکستانی چوک سے اچھرہ بازار تک یوم تشکر مارچ منعقد کیا گیا ،کوئٹہ میں فتح بنیان مرصوص ریلی نادرا آفس سے پریس کلب تک نکالی گئی، ملتان میں نیو شمس کالونی میں یوم تشکر بنیان مرصوص مارچ کا انعقاد کیا گیا،ایبٹ آباد میں فوارہ چوک تا پریس کلب یوم تشکر کے سلسلہ میں فتح معرکہ حق ریلی نکالی گئی،حیدرآباد میں مرکز سعد بن معاذ سے پریس کلب تک اظہار تشکر ریلی نکالی گئی،
پاکستان مرکزی مسلم لیگ کے صدر خالد مسعود سندھو، جوائنٹ سیکرٹری قاری محمد یعقوب شیخ، ڈپٹی سیکرٹری جنرل حافظ خالد نیک،فیصل ندیم،عارف اللہ خٹک،چوہدری محمد سرور، شیخ فیاض احمد، حمید الحسن ،احسان اللہ منصور،عمران لیاقت بھٹی، انجینئر حارث ڈار ،مزمل اقبال ہاشمی،عقیل احمد لغاری ودیگر نے خطبات جمعہ کے اجتماعات، یوم تشکر مارچ، ریلیوں سے خطاب کرتے ہوئے کہا کہ یومِ تشکر، معرکہ بنیان مرصوص ہماری قومی یکجہتی کی علامت ہے،مسلح افواج نے دس مئی کو بھارت کومنہ توڑ جواب دے کر بھکاری بنادیا،اسرائیل کے بھی غزہ میں حملے قابل مذمت، اسرائیل و بھارت گٹھ جوڑ کو پاکستان میں ناکامی ہوئی، پاکستانی قوم کی یکجہتی نے ثابت کر دیا بھارت کیخلاف پاکستان کا بچہ بچہ تیارہے، معرکہ حق کے شہدا کو خراج تحسین پیش کرتے ہیں، پاکستانی مساجد اور بے گناہ،معصوم شہریوں پر بھارتی حملوں کا جواب دنیا نے دیکھ لیا،دفاع وطن کے لئے مرکزی مسلم لیگ افواج پاکستان کے شانہ بشانہ رہے گی، ہم آپریشن بنیان مرصوص کی کامیابی پر سپہ سالا ر آرمی چیف جنرل سید عاصم منیر سمیت عسکری و سول قیادت کو بھی خراج تحسین پیش کرتے ہیں
