ڈی آئی خان : پشاور سانحہ میں تحصیل پہاڑپورکٹہ خیل کا نوجوان بھی شہید

ڈیرہ اسماعیل خان،باغی ٹی وی(نامہ نگار)پشاورسانحہ میں ڈیرہ اسماعیل خان کی تحصیل پہاڑپورکٹہ خیل سے تعلق رکھنے والا نوجوان محمد ہارون شہید،شہیدہونے والامحمد ہارون پشاور پولیس لائن کی مسجد بم دھماکہ میں زخمی ہوا تھا اوربعدازاں زخموں کی تاب نہ لاتے ہوئے شہید ہوگیا۔تفصیلات کے مطابق گزشتہ دنوں پشاورسانحہ میں ڈیرہ اسماعیل خان کی تحصیل پہاڑپورکٹہ خیل سے تعلق رکھنے والا نوجوان محمد ہارون زخموں کی تاب نہ لاتے ہوئے شہید ہوگیا۔شہید ہونے والامحمد ہارون پشاور پولیس لائن کی مسجد بم دھماکہ میں زخمی ہوا تھا اوربعدازاں زخموں کی تاب نہ لاتے ہوئے شہید ہوگیاہے۔شہید کاجسد خاکی اس کے آبائی گاؤں لایاگیا جہاں سینکڑوں اشکبارآنکھوں کے سامنے تدفین کردی گئی ہے ۔پشاورسانحہ میں شہید ہونے والے محمدہارون کی شہادت پر علاقے کی فضاء سوگوار اورہرآنکھ پرنم تھی۔