نیشنل سائبر کرائم ایجنسی نے بڑی کارروائی کرتے ہوئے بین الاقوامی آن لائن جوئے میں ملوث یوٹیوبر مدثر حسن کو گرفتار کرلیا۔
ابتدائی تحقیقات کے مطابق ملزم آن لائن جوئے کو فروغ دے رہا تھا اور مختلف پلیٹ فارمز کے ذریعے اس کاروبار میں سرگرم تھا۔مقامی عدالت نے ملزم مدثر حسن کا پانچ روزہ جسمانی ریمانڈ منظور کرتے ہوئے اسے مزید تفتیش کے لیے نیشنل سائبر کرائم ایجنسی کے حوالے کردیا۔این سی سی آئی ذرائع کا بتانا ہے کہ ملزم مدثر حسن کے علاوہ معروف یوٹیوب چینل سسٹرالوجی سمیت تین چینلز کے خلاف جوئے کی پرموشن کی انکوائری چل رہی ہے۔
یاد رہے کہ نیشنل سائبر کرائم انویسٹی گیشن ایجنسی کی جانب سے سسٹرالوجی کے نام سے یوٹیوب چینل چلانے والی ٹک ٹاکر اقراء کنول سمیت دیگر کو نوٹس بھجوائے تھے۔حکام کے مطابق یہ کارروائیاں غیر رجسٹرڈ آن لائن بیٹنگ اور ٹریڈنگ ایپلی کیشنز کی تشہیر اور غیر قانونی مالی معاملات کے الزامات کی بنیاد پر کی جا رہی ہیں۔این سی سی آئی اے کی جانب سے جاری نوٹسز میں کہا گیا تھا کہ یہ افراد آن لائن جوا ایپس کے ذریعے مالیاتی دھوکہ دہی، نوجوانوں کو غیر رجسٹرڈ جوئے کی ایپس میں سرمایہ کاری پر اکسانے اور عوام کی محنت کی کمائی لوٹنے میں ملوث پائے گئے ہیں۔
حکام کے مطابق جن یوٹیوبرز کو نوٹس جاری کیے گئے ہیں، اگر وہ پیش نہ ہوئے تو ان کے نام ای سی ایل میں ڈال دیے جائیں گے تاکہ وہ بیرونِ ملک فرار نہ ہو سکیں۔
پاکستان میں سرمایہ کاری ،وزیراعظم کی چینی کاروباری شخصیات سے ملاقات
سیلابی صورتحال، یک جہتی کا مظاہرہ کرتے ہوئے متاثرین کی مدد کرنی چاہیے،یوسف رضا گیلانی
لاہور، غیر قانونی ہاؤسنگ سوسائٹی کا مالک گرفتار
روسی ادارے کا چین کو نیوکلیئر توانائی میں ہر ممکن تعاون فراہم کرنے کا اعلان
