صدر مملکت نے جسٹس ظفر احمد راجپوت کو سندھ ہائی کورٹ کا قائم مقام چیف جسٹس تعینات کر دیا ہے۔ وزارت قانون و انصاف نے اس حوالے سے نوٹیفکیشن جاری کر دیا۔
نوٹیفکیشن کے مطابق قائم مقام چیف جسٹس کی تعیناتی کا اطلاق عہدے کا حلف لینے کی تاریخ سے ہوگا اور وہ جوڈیشل کمیشن آف پاکستان کی جانب سے مستقل چیف جسٹس کی تعیناتی تک اس عہدے پر فرائض انجام دیں گے۔اعلامیے میں مزید بتایا گیا ہے کہ جسٹس ظفر احمد راجپوت اس وقت سندھ ہائی کورٹ کے سینئر ترین جج ہیں۔سندھ ہائی کورٹ کی ویب سائٹ کے مطابق جسٹس ظفر احمد راجپوت 16 اکتوبر 1965 کو حیدرآباد میں پیدا ہوئے۔ انہوں نے گورنمنٹ سٹی آرٹس کالج سے بی اے، گورنمنٹ جناح لاء کالج سے ایل ایل بی اور جامعہ سندھ سے بین الاقوامی تعلقات میں ماسٹرز کیا۔
وہ 1990 میں سندھ بار کونسل کے ساتھ بطور وکیل رجسٹرڈ ہوئے اور 2001 میں ہائی کورٹ کے وکیل بنے۔ 1993 میں بطور عدالتی مجسٹریٹ منتخب ہوئے اور 31 اگست 2013 کو سندھ ہائی کورٹ کے جج کے طور پر ترقی دی گئی۔
سپریم کورٹ کا چیف جسٹس اور ججز کے سیکیورٹی پروٹوکولز میں بڑی تبدیلی کا اعلان
کے ایم سی نے کمرشل اور انڈسٹریل صارفین کے ٹیکس میں اضافہ کر دیا
ایشیا کپ 2025: پاک بھارت میچ سے قبل دبئی پولیس کی سخت سکیورٹی ہدایات
