زمین کا تنازعہ، ملزم نے والد، بھائی،بہن اور بھابھی کو قتل کر دیا
![](https://baaghitv.com/wp-content/uploads/2019/08/crrrrrr.jpg)
زمین کا تنازعہ، ایک ہی خاندان کے چار افراد کو خونی رشتے نے ہی قتل کر دیا
باغی ٹی وی کی رپورٹ کے مطابق خیبر پختونخواہ کے ضلع مانسہرہ میں زمین کے تنازعہ پر ایک شخص نے اپنے والد ،بھائی ،بہن اور بھابھی کو فائر کر کے قتل کر دیا، بعد ازاں موقع سے فرار ہوگیا، افسوسناک واقعہ مانسہرہ کے علاقہ شیخ الگھڑی میں شائع ہوا، ماجد نامی شخص نے مکان کے تنازعہ پر اپنے گھر والوں پرہی فائرنگ کر دی
ملزم کے بھائی کے مطابق ماجد کو اس کی بیوی نے پستول لا کر دیا جس کے بعد اس نے پہلے والد، پھر بھائی بہن اور بھابی کو گولیاں مار کر قتل کر دیا۔ واقعیہ کی اطلاع ملتے ہی پولیس کی بھاری نفری موقع پر پہنچ گئی، لاشوں کو پوسٹ مارٹم کے لئے مقامی ہسپتال منتقل کیا گیا،
پولیس نے واقعہ کا مقدمہ درج کر لیا ہے اور ملزم کی گرفتاری کے لئے چھاپے مارنا شروع کر دئیے ہیں،