آصف زرداری کے ریمانڈ میں توسیع کر دی گئی

سابق صدر آصف زرداری کے ریمانڈ میں گیارہ دن کی توسیع کر دی گئی، عدالت نے محفوظ فیصلہ سنا دیا

نیب نے عدالت سے آصف زرداری کا 15 دن کا ریمانڈ مانگا تو آصف زرداری نے عدالت سے کہا کہ سر ایک ہی دفعہ 90 دن کا ریمانڈ دے دیں. عدالت نے فیصلہ محفوظ کر لیا تھا جو اب سنا دیا گیا ہے ،عدالت نے آصف زرداری کو 2 جولائی کو پھر عدالت میں پیش کرنے کا حکم دیا ہے

بجٹ پاس نہیں ہوتا تو حکومت فارغ ہو جاتی ہے، عدالت کے ریمارکس

باغی ٹی وی کی رپورٹ کے مطابق آصف علی زرداری کے خلاف جعلی بینک اکاؤنٹ کیس کی احتساب عدالت میں سماعت ہوئی ہے، آصف زرداری کواحتساب عدالت کےجج ارشد ملک کےروبرو پیش کیا گیا، نیب پراسیکیوٹرسردارمظفرعباسی کی جانب سےآصف زرداری کی میڈیکل رپورٹ عدالت میں پیش کی گئی، آصف زرداری کی جانب سے لطیف کھوسہ نےبھی وکالت نامہ عدالت میں جمع کرایا ،ڈپٹی پراسیکیوٹرجنرل نیب سردارمظفرعباسی نےعدالت کوتفتیش میں پیشرفت سے آگاہ کیا ،

اگر ہتھیار استعمال کرتے تو یہ تھوڑے سے تھے، زرداری نے اسمبلی میں ایسا کیوں کہا؟

حکومت کو نکالنے کیلئے سیاسی قوتوں کو آگے ہونا ہو گا، آصف زرداری

ایک ہفتے کی جیل کے بعد زرداری کی بس ہو گئی، اسمبلی میں کیا کہہ دیا؟ بڑی خبر؟

آصف زرداری سے اب تک ہونے والی تفتیش کی پیشرفت رپورٹ عدالت میں پیش کرنے لگے تو آصف زرداری رپورٹ کا متن سننے روسٹرم پرآگئے جس پر سردار مظفر عباسی نے کہا کہ کیا زرداری صاحب کچھ کہنا چاہتے ہیں؟ احتساب عدالت کے جج نے کہا کہ یہ سننا چاہتے ہیں کہ کون کون سی باتیں نیب کوپتا چل چکی ہیں،زرداری کے وکیل لطیف کھوسہ نے کہا کہ نہیں، یہ صرف سننا چاہتے ہیں جوان کے بارے میں لب کشائی کی جارہی ہے،نیب پراسیکیوٹر نے کہا کہ ہم کچھ گھڑنہیں رہے بلکہ تفتیش میں سامنے آنے والی باتیں بتا رہے ہیں،دوران تفتیش زرداری نے مفرورملزم ناصرعبداللہ سے قریبی تعلق کوتسلیم کیا ہے،زرداری نے یہ تسلیم نہیں کیا کہ ناصرعبداللہ ان کا فرنٹ مین ہے،زرداری کے وکیل فاروق ایچ نائیک نے کہا کہ ملزم ناصرنے اپنے بیان میں کہا کہ آصف زرداری کوجانتا ہوں مگرکوئی مالی لین دین نہیں،کسی شخص کوجاننا کوئی جرم نہیں ہے،نیب نے آصف زرداری کے مزید جسمانی ریمانڈ کی استدعا کی ہے.

زرداری کے بعد فریال تالپور گرفتار،بزدلوں کی حکومت ہے، بلاول کا رد عمل

زرداری کے پروڈکشن آرڈرکے مطالبہ پر فواد چودھری خاموش نہ رہ سکے