صدر مملکت آصف علی زرداری نے چین کے شہر اُرومچی میں واقع سنکیانگ اسلامک انسٹیٹیوٹ کا دورہ کیا، جہاں انسٹیٹیوٹ کے صدر مختیری سیفو نے ان کا استقبال کیا۔
صدر مملکت نے انسٹیٹیوٹ میں دستیاب سہولتوں کا جائزہ لیا اور وہاں دی جانے والی خدمات کو سراہا۔ انہیں بتایا گیا کہ انسٹیٹیوٹ میں قرآن، حدیث، فقہ اور دیگر عصری مضامین پڑھائے جاتے ہیں جبکہ اسلامی کتب کے تراجم، اشاعت اور حج انتظامات میں بھی ادارہ اہم کردار ادا کرتا ہے۔انسٹیٹیوٹ میں قرآن، حدیث، اسلامی قوانین، عربی، تھیولوجی، تاریخ، کمپیوٹر کی تعلیم، اخلاقیات اور سائنسی مضامین سمیت جنرل کورسز بھی کرائے جاتے ہیں۔
صدر آصف علی زرداری نے خطے کے مسلمانوں کے لیے ادارے کی خدمات کو قابلِ تحسین قرار دیتے ہوئے کہا کہ پاکستان اور چین کے درمیان وسیع افہام و تفہیم کے لیے علمی اور ثقافتی تبادلے نہایت اہمیت رکھتے ہیں۔
قطر کی عالمی عدالت کی صدر سے ملاقات، اسرائیلی حملے پر قانونی کارروائی کی کوشش
پاک افغان بارڈر پرٹیکسی اسٹینڈ میں دھماکا، 5 افراد جاں بحق
