بولی وڈ اداکار زید خان کی والدہ اور ماضی کی معروف اداکارہ زرین خان طویل علالت اور زائدالعمری سے لاحق پیچیدگیوں کے باعث 81 سال کی عمر میں انتقال کر گئیں۔
خاندانی ذرائع کے مطابق زرین خان کی نمازِ جنازہ ممبئی میں ادا کی گئی، جب کہ ان کی آخری رسومات ہندو مذہبی روایات کے مطابق انجام دی گئیں۔بھارتی میڈیا کے مطابق زید خان کی جانب سے والدہ کی آخری رسومات ہندو رسومات کے تحت ادا کرنے کی ویڈیوز سوشل میڈیا پر وائرل ہو گئیں، جن میں وہ جذباتی انداز میں مٹی کا گھڑا اٹھائے نظر آئے۔ویڈیوز کے منظرعام پر آنے کے بعد سوشل میڈیا پر صارفین نے حیرت کا اظہار کیا کہ زرین خان کی تدفین ہندو طریقے سے کیوں کی گئی۔ تاہم رپورٹس کے مطابق زرین خان شادی سے قبل ہندو پارسی خاندان سے تعلق رکھتی تھیں، ان کا پیدائشی نام زرین کٹرک تھا۔ 1966 میں سنجے خان سے شادی کے بعد انہوں نے خان سرنیم اختیار کیا، مگر خاندان نے ان کے پیدائشی مذہب کے مطابق رسومات ادا کرنے کا فیصلہ کیا۔
زرین خان کی نمازِ جنازہ اور آخری رسومات میں قریبی رشتہ داروں کے ساتھ ساتھ بولی وڈ کی متعدد معروف شخصیات نے بھی شرکت کی۔زرین خان کے شوہر سنجے خان ایرانی نژاد مسلمان گھرانے سے تعلق رکھتے ہیں۔ دونوں کی ملاقات 1963 کی فلم ترے گھر کے سامنے کے دوران ہوئی تھی۔ زرین خان سے ان کے چار بچے ہیں — سوزین خان، زید خان، سیمون آرورا اور فرح علی خان
سیکیورٹی خدشات، جعفر ایکسپریس کی آمد و رفت 4 روز کے لیے معطل
پاک افغان مذاکرات ختم، ثالثوں نے بھی ہاتھ کھینچ لیے،خواجہٰ آصف
مذاکرات ناکام، افغان طالبان کی ہٹ دھرمی، اندرونی تقسیم اور بیرونی اثرات
