شنیرا اکرم کے مطابق ذہنی و قلبی پریشانی کو کیسے ختم کیا جا سکتا ہے

قومی کرکٹ ٹیم کے سابق کپتان وسیم اکرم کی اہلیہ شنیرا کا کہنا ہے کہ روزانہ 30 سے 45 منٹ کی ورزش آپ کی قلبی و ذہنی بے چینی کو ختم کرنے میں اہم کردار ادا کرسکتی ہے

باغی ٹی وی : سماجی رابطے کی ویب سائٹ انسٹاگرام پر شنیرا اکرم نے کراچی کے ساحل سمندر پر لی گئی ایک تصویر شئیر کی اور ساتھ ہی ڈپریشن سے بچاؤ کا حل بھی بتا دیا

شنیرا اکرم نے قلبی و ذہنی بے چینی کو ختم کرنے کے حوالے سے لکھا کہ ساحلِ سمندر پر سورج کی شعاعوں میں 30 سے 45 منٹ کی ورزش آپ کی چہرے کی افسردگی ،قلبی و ذہنی بے چینی کو ختم کرنے میں اہم کردار ادا کرسکتی ہے
https://www.instagram.com/p/B_34lXZg2Rf/?igshid=bnp2x0vy6u3c
شنیرا نے لکھا کہ لاک ڈاؤن کی غیر یقینی صورتحال میں بھی اپنی ذہنی و جسمانی صحت کا بھرپور خیال رکھنے کے لیے جو کرنا پڑے کریں

شنیرا نے مزید لکھا کہ خود کو جسمانی طور پر تندرست رکھ کر ہم کئی ذہنی بیماریوں سے بچ سکتے ہیں اپنے دماغ اور جسمانی تندرست رہنے کے لئے جو کچھ کرنا ہے اسے کریں

واضح رہے کہ شنیرا سوشل میڈیا پر کورونا سے متعلق عوام کو کورونا سے بچاؤ کی حفاظتی تدابیر کے لئے آگاہی فراہم کرنے کی اکثر و بیشتر ویڈیو پیغام دیتی نظر آ تی ہیں

کورونا وائرس کے حوالے سے شنیرا اکرم کا پیغام

کورونا کے باعث پابندیوں کی وجہ سے شوبز سے وابستہ افراد پریشان